Yowan 2:1-4

¹Tiyepe le nga ke ru iman a ila le ye ke tol ki, motong la tiyeie mailang atu ke kerenge la malala mai Kana yo iken ye tana mai ke Galili i. Ngan Yesu tinana in ila nango la iyepe ye kerenge tani.

²Inbe Yesu iye di galiunu ngan tikiu di be tila ye kerenge tani in lapau.

³Le nga ye kene tani in, di tooltool yo tikiu di nga, ngan tikan be tiyin le le ran medana kidi yo wain nga, ngan imot. Motong la Yesu tinana iwete panga nen, “Ai, di tooltool nga timaka ye wain sa.”

⁴Ngan iraua betanga ki nen, “Atoo, tinak nga yelei be koom gautau a alo ye mailang i lapau nga? Lal kiau yo be ayei urata kiau ye i, in pombe tiao.”