YOWAANA 7:17-22

¹⁷Ku fas yéenee wéy ci bëgg-bëggu Yàlla, dina xam ndax sama njàngle ci Yàlla la jóge, walla ci sama coobare.

¹⁸Nit kiy wax ci coobareem nag, day wuta màggal boppam, waaye kiy wuta màggal ki ko yónni, dëgg rekk lay wax te jubadiwul fenn.

¹⁹Xanaa du Musaa moo leen jox ndigali Yàlla yi? Waaye kenn ci yéen sàmmu ko! Lu tax ngeen bëgg maa rey?»

²⁰Mbooloo ma ne ko: «Xanaa dangaa am ay rab! Ku lay wuta rey?»

²¹Yeesu ne leen: «Benn jaloore rekk laa def, te yéen ñépp ngeen jaaxle!

²²Li leen Musaa jox ndigalu xarafal gone yi —jógewul kat ci Musaa; mi ngi tàmbalee ci seen maami cosaan— moo tax ba ngeen nangoo xarafal nit ci bésub noflaay bi.