YOWAANA 6:35-40

³⁵Yeesu ne leen: «Man maay ñam wiy joxe dund. Ku ñëw ci man, doo xiif mukk; te ku ma gëm, doo mar.

³⁶Waaye wax naa leen ko ba noppi; gis ngeen ma te taxul ngeen gëm!

³⁷Képp ku ma Baay bi jox dina ñëw ci man, te duma dàq mukk ki may fekksi.

³⁸Ndaxte wàccewuma ci asamaan ngir def sama bëgg-bëgg, waaye damay matal bëgg-bëggu ki ma yónni.

³⁹Lii mooy bëgg-bëggu ki ma yónni: bu ma ñàkk kenn ci ñi mu ma may, te dafa bëgg it ma dekkal leen keroog bés bu mujj ba.

⁴⁰Ndaxte lii mooy bëgg-bëggu Baay bi: képp ku gis Doom ji te gëm ko, am dund gu dul jeex, te bés bu mujj ba, dinaa ko dekkal!»