Yosiua 15:12-33

¹²Medidela:inia Hano Wayabo Bagade da Yuda fi ilia soge eso dabe alalo hamoi. Amo alalo ganodini, Yuda fi dunu da esalu.

¹³Hina Gode da Yosiuama sia:i amo defele, e da Yuda fi ilia soge fifili, la:idi amo Ga:ilebe (Yefane, Yuda fi dunu ea mano) ilima i. E da Hibalone moilai bai bagade (musa: A:ina:ge ea mano Aba da amo moilai gagui) amo Ga:ilebema i.

¹⁴Ga:ilebe da A:ina:ge egaga fi (amo da Sisai, Ahaima:ne amola Da:lamai fi dialu) amo gadili sefasi.

¹⁵Amoga asili e da Dibe moilai fi amo doagala:musa: asi (Dibe ea musa: dio da Gilia:de Sefe)

¹⁶Ga:ilebe da amane sia:i, “Nowa dunu da Gilia:de Sefe amo gegene lasea, na da nadiwi ema imunu.”

¹⁷Odeniele amo Ga:ilebe eya Gina:se ea mano da amo moilai lai dagoi. Amaiba:le, Ga:ilebe da ea idiwi A:igasa: amo ema i.

¹⁸Ea uda lamu esoha, Odeniele da A:igasa: ema ea edama soge adole ba:ma:ne sia:i. A:igasa da dougiga fila heda:i amoga osoboga sa:i. Ga:ilebe da ema amane sia:i, “Di adi laha?”

¹⁹E da bu adole i, “Na dima edegesu gala. Na da hano bubuga:su hanai gala. Soge di da nama i da hafoga:i soge amo ganodini gala.” Amaiba:le, Ga:ilebe da gadodili amola gududili dialebe hano bubuga:su ema i dagoi.

²⁰Soge amo Yuda fi dunu da gaguma:ne lai da amo;

²¹Moilai ga (south) galu ilia lai (Idome alalo gadenei) da Ga:basiele, Ide, Ya:ige,

²²Gaina, Daimouna, A:ida:da,

²³Gidese, Ha:iso, Idena:ne,

²⁴Sife, Dileme, Bialode,

²⁵Ha:iso, Hada:da, Giliode, Heselone,

²⁶A:imame, Sima, Molada,

²⁷Ha:isa Ga:da, Hesiemone, Bedefilede,

²⁸Ha:isa Siuale, Biasiba, Bisiadia,

²⁹Ba:ila, Aimi, Iseme,

³⁰Eledoula:de, Gisili, Homa,

³¹Sigila:ge, Ma:dama:na, Sa:nasa:na,

³²Leba:iode, Silihimi, A:ini amola Limone. Ilia da moilai bai bagade29 agoane, Idome alalo gadenene lai dagoi. Amola ilia da moilai fonobahadi amo moilai bai bagade sisiga:le dialu lai dagoi.

³³Amola ilia da agolo fonobahadi soge amo ganodini moilai bai bagade14 agoane amola moilai fonobahadi amo sisiga:le dialu lai. Amo moilai da Eseda:iole, Soula, A:sena, Sanoua, Enega:neme, Dabua, Ina:me, Yamade, Adala:me, Sougo, Asiga, Siala:ime, A:dida:ime amola Gedila.