36Maa-ainainnáusa Yísuna árunara óoqeenáa ákara ánoonaikianifeera kambíqanau. Mi-ooqeenaa akaráfa maaqí qímaqoofa máridanoo. Sía miná ámudaani moó fannoo raqáannoo. Sía uqanna moodáa raqáannoo. Miqí qímaqoo ufafa ánoonaikufaqa sía miná áiku raqáqau.
37Óoqeenaa ákara moó maaqímminoo máridanoo. Faiqí moó fannoo faaqaanánnai ásauku mundírana raqúramisáinaqa faiqí ánaasee kikíqamambinaqa qáfeefaranoo. Mi-ufáfa faqa aunírira saqarisaa kambíqanau.
38Sundíauqa Yísuna raqúramisoofanoo Yooseefaana amaráfa Arimateea máqusaindaraafa Piratoona máaqai óonureenoo Yísuna irí aunírira saqarisaaqaraanara innaaru qinau. Mi-Yooseefaafá Yísuna ufa írimarufa máridanoo narí aundurái kai iriséenoo sía faiqí nífusaa kooroo ináu, káqi márinau. Yuda máqannaa úriqararausa írifoo qímasee rufíamaree kukéeqakufanoo Yísuna iríara Piratoofunnai naríaraa óonureenoo innaaru qinau. Amanée qíminaqa máree múnu ákundaanáuree qinau. Miqí qufanoo Piratoofa eedóo qímaseenoo aqiqoofanoo Yooseefaafa Yísuna irí aunírira saqarisaaqaraana tatúmareenoo finau.
Yoohanee 19
Yoohanee 19:36-38