Yontu 83:2-13

²Hɑɩ, Ɩsɔ, tɑɑ sú, tɑɑ hɛɛsɩ. Pəyele tɑɑ cɑɣɑ yem.

³Nyɑ́ kolontunɑɑ tɑ cɑɣɑ təpɑmm, mpɑ pɑɑ cɑɑkɩ-ŋ tɔ pɑ kʋsɑ nyɔɔŋ.

⁴Pɑ cɑkɩ nyɑ́ yəlɑɑ ɑcɑɣɑ nɑ ɑcilɑɣɑtʋ, pɑ kotiɣi nɑ pɑ́ yɔɣɔtəɣɩ mpɑ pɑ tɔɔ n kentɑɑ tɔ pɑ tɔm.

⁵Nɑ pɑ́ yɑɑkɩ təmɑ sɩ pɑ́ kpiisi Ɩsɛɣɛlɩ nyə́mɑ kɛ piitimnɑɑ hɛkʋ, nɑ nɔɣɔlʋ ɩ́ tɑɑ tɑsɑ pɑ hətɛ kɛ tɔɔsʋɣʋ.

⁶Nyɑ kolontunɑɑ kpɛntɑ kʋlʋm nɑ pɑ́ pɛɛlɩ nyɑ́ tɔɔ kɛ́ nɔɣɔ.

⁷Mpɛɣɛlɛ Ɩtɔm nyə́mɑ nɑ Ɩsəmɑyɛlɩ nyə́mɑ nɑ Mowɑpʋ nyə́mɑ, nɑ Akɑɑ nɑ Kepɑɑlɩ pə nyə́mɑ.

⁸Nɑ Amoni nyə́mɑ nɑ Amɑleke nyə́mɑ nɑ Filiisi nyə́mɑ nɑ pə́ sɔɔsənɑ Tiii nyə́mɑ tɔtɔ.

⁹Asilii nyə́mɑ mɑɣɑmɑɣɑ nɑ́ sɔɔsɑ pɑ tɔɔ nɑ pɑ kʋlɩ Lɔɔtɩ lʋlʋɣʋ nyə́mɑ tɔɔ.

¹⁰Hɑɩ, Ɩsɔ lɑnɑ-wɛ ɩsɩɩ n kɑ lɑpʋ Mɑtiyɑŋ nyə́mɑ nɑ Siselɑ nɑ Yɑpɛŋ kɛ Kisɔŋ lɔɔʋ nɔɣɔ tɔ.

¹¹Pɑ kʋ-wɛɣɛ Hɑlotɩ nɑ pə lɑ tɛtʋ kɛ mʋsʋŋ.

¹²Lɑ pɑ ɑwulumpiyɑ ɩsɩɩ Olɛpɩ nɑ Sɛpɩ, nɑ ń lɑ́ pɑ ɑwulɑɑ tənɑ ɩsɩɩ Sepɑ nɑ Sɑləmunɑ.

¹³Mpi tɔ, pɛlɛ pɑɑ yɔɣɔtɑɣɑnɑ sɩ pɑ lɛɛkəɣɩ Ɩsɔ təcɑɣɑlɛnɑɑ.