10Hɑɩ, Ɩsɔ Tɑcɑɑ, pəlee kɛ́ kolontunɑɑ kɑ́ hɛɛsɩ nyɑ́ hətɛ kʋtʋɣʋ? Pəlee kɛ́ pɑɑ hɛɛsɩ-tɛɣɛ footuɣu?
11Pepe tɔɔ kɛ́ n sumɑ, nɑ nn sɑŋ nyɑ́ niŋ ntɔɣɔŋ kʋsʋɣʋ sɩ n mɑ?
12Hɑɩ, Ɩsɔ, nyɑɣɑlɛ mɑ wulɑʋ kɛ too lɔŋtɑɑ, nyɑ́ wɑɑsəɣənɑ tɛtʋ tɑɑ.
13Nyɑ́ toŋ kɛ n fɑɣɑnɑ teŋku nɑ ń yɔkɩ lʋm tɛɛ tʋmɑɑ sɔsɑɑ nyɔɔŋ.
14N yɔkɑ tʋm sɔsɔ Lefiyɑtɑŋ nyʋɣʋ nɑ ń pɛtɩ-ɩ wʋlɑɣɑ tɛtʋ tɑɑ yəlɑɑ sɩ pɑ́ tɔɣɔ.
15Nyɑ́ hulinɑ lʋm sɛɛlɑɑ nɑ ń hɛɛ lɔɔŋ nɑ ń yele nɑ pusi nsi sɩɩ nyɔɔkɩ tɔ sɩ lʋm nyɔɔ.
16Nyɑɣɑlɛ ilim tɑɑ nɑ ɑhoo pə tʋ. Nyɑ́ lɑpənɑ ilim nɑ ɩsɔtʋ.
Yontu 74
Yontu 74:10-16