Yontu 73:1-7

¹Asɑfɩ yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ. Ɩsɔ tewɑ Ɩsɛɣɛlɩ nyə́mɑ mpɑ pɑ lotu tɑɑ tewɑ tɔɣɔ.

²Pɑɑ nɑ mpʋ pəcɔɣɔ pə kɑɑsɑɑ sɩ pə́ co-m yɑɑ pə́ tuu-m.

³Mpi tɔ, mɑ nɑɑkɩ ɑsɑɣɑɑ hɛɛsəɣɩ, ɩlɛnɑ mɑ́ lɑkɩ-wɛɣɛ ɩsɛsɛɛmlɛ.

⁴Mpi tɔ, pɑɑ nɑɑkɩ wɑhɑlɑ nɔɣɔlʋ hɑlənɑ pɑ səm, nɑ pɑ́ nɩɩkɩ pɑ nɑntʋ tɑɑ ɑlɑɑfəyɑ.

⁵Pɑɑ nɑɑkɩ wɑhɑlɑnɑɑ mpɑ lɛlɑɑ nɑɑkɩ tɔ, pəyele pɩɩ mɑkənɑ-wɛ ɩsɩɩ yəlɑɑ lɛlɑɑ.

⁶Kɑlɑmpɑɑnɩ wɛnnɑ ɩsɩɩ pɑ lɩɩlʋɣʋ, nɑ mʋsʋŋ nɑ́ɑ́ wɛɛ ɩsɩɩ pɑ kɑcɔkɑ wontuɣu.

⁷Pɑ cɑɣɑnɑ pɑ tɩ nɑ pɑ́ toosiɣi yəlɑɑ kɛ ɩsɛ, nɑ pɑ ləmɑɣɑsɛɛ nɑɑkɩ kpɑkpɑɑ.