Yontu 71:2-14

²Wɑɑsɩ-m nɑ ń yɑ-m nyɑ́ siɣisuɣu tɔɔ, ke nyɑ́ ŋkpɑŋʋɣʋ nɑ mɑ tɔɔ nɑ ń sənɑ-m.

³Nyɑɣɑlɛ mɑ kʋkpɑmʋɣʋ ŋku mɑ cɔɔsəɣənɑ nɑ mɑ tʋɣɩ kpʋlʋɣʋ kɛ tɑm tɔ. Nyɑɣɑlɛ mɑ kʋkpɑmʋɣʋ, nɑ mɑ koluŋɑ ɩcɑtɛ.

⁴Mɑ Ɩsɔ fiti-m ɩsɑɣɑʋ niŋ tɑɑ, fiti-m wei ɩɩ təŋəɣɩ tɑmpɑnɑ nɑ ɩ́ kɛ́ nyəməŋ tʋ tɔ ɩ niŋ tɑɑ.

⁵Tɑcɑɑ Ɩsɔ, nyɑɣɑ mɑ tɛɛləɣɩ, nyɑɣɑ mɑ pɛtɑ mɑ təɣɩ hɑtoo mɑ pəcɑɑtʋ.

⁶Hɑtoo mɑ too lotu tɑɑ nyɑɣɑ mɑ tekiɣi, nyɑ́ ləsənɑ-m mɑ too tɑɑ, nyɑɣɑ mɑ sɑŋ tɑm.

⁷Mɑ kɛ́ kɔkɔlɔ nyəm kɛ yəlɑɑ pɑɣɑlɛ kɛ́. Nyɑɣɑlɛ mɑ kpʋlʋɣʋ tətʋlɛ toŋ nyəntɛ.

⁸Nyɑ́ sɑmtʋ yontu tike ɩ́ wɛɛ mɑ nɔɣɔ tɑɑ. Pə wɛɛ sɩ mɑ yɔɣɔtəɣɩ nyɑ́ teeli tɔm kɛ pɑɑ ɩfemle nte.

⁹Tɑɑ lɔ-m, nɔɔnɔɔ mɑ kpɑtəlɑɑ kɛ́. Wɑɑtʋ wei mɑ tomɑ pɑsəɣɩ tɔ tɑɑ lɔ-m.

¹⁰Mɑ kolontunɑɑ yɔɣɔtəɣɩ mɑ tɔm kɛ́. Mpɑ pɑ cɛŋəɣɩ mɑ weesuɣu tɔ pɑ lɑkɩ təmɑɣɑ sɑɑwɑlɑ sɩ:

¹¹Ɩsɔ lɔ-ŋ kɛ́, tə təŋɩ-ŋ nɑ tə kpɑ-ŋ. Mɑ fɛɩnɑ nɔɣɔlʋ sɩ ɩ́ lɛɛkɩ-m pɑ niŋ tɑɑ.

¹²Hɑɩ, Ɩsɔ, tɑɑ hɑtələnɑ-m. Mɑ Ɩsɔ kɔɔ lɔŋ nɑ ń wɑɑsɩ-m.

¹³Pɑ tənɑ mpɑ pɑ suuki-m tɔm tɔ, pə́ liɣiti-wɛ nɑ pɑ́ sɑɑlɩ yem, nɑ fɛɛlɛ tɔɣɔ mpɑ pɑ cɑɑ mɑ lepu tɔ.

¹⁴Ɩlɛ mɑɑ tɛɛləɣɩ tɑm, nɑ mɑ́ sɑŋɩ-ŋ nɑ mɑ́ lɛləɣɩ.