Yontu 68:18-26

¹⁸Ɩsɔ wɛnɑ yoou kɛɛkɛnɑɑ kɛ iyisi iyisi kɛ́, Tɑcɑɑ wɛ pɑ hɛkʋ, nɑ Sinɑyi nɑ́ɑ́ wɛ Ɩsɔ təsɛɛlɛ tɑɑ.

¹⁹N kpɛŋnɑ yəlɑɑ mpɑ pɑ kpɑwɑ tɔ nɑ ń kpɑɑnɑ, yəlɑɑ kɛ pɑ lɑpɑ-ŋ kʋcɔɔʋ*fɑ*. Tɔɔ kʋllɑɑ mɑɣɑmɑɣɑ kɑ́ cɑɣɑ nyɑ́ kiŋ.

²⁰Tɑcɑɑ kɛlɛ sɔsɔ kɛ pɑɑ kʋyɑkʋ ŋku, ɩnɩ ɩ pɑɑsəɣənɑnɑ tʋ nɑ ɩ́ wɑɑsəɣɩ-tʋɣʋ sɑɑ wei pɑ ŋmɑkələɣɩ-tʋ tɔ.

²¹Ɩsɔ kɛ́ wei ɩ wɑɑsəɣɩ-tʋ tɔɣɔ. Tɑcɑɑ Ɩsɔ ɩnɩ ɩ wɛnnɑ tomɑ sɩ ɩ́ fiti-tʋɣʋ səm tɑɑ.

²²Amɑ Tɑcɑɑ kɑ́ yɔkɩ ɩ kolontunɑɑ nyɔɔŋ, ɩ kɑ́ yɔkɩ mpɑ pɑ wɛ ɩsɑɣɑtʋ tɑɑ tɔ pɑ nyʋmpɔɣɔlɑsɩ.

²³Tɑcɑɑ yɔɣɔtɑɑ sɩ: Mɑɑ ləsɩ mɑ kolontunɑɑ kɛ Pɑsɑŋ pʋɣʋ tɑɑ nɑ mɑ́ kɔnɑ. Mɑɑ ləsɩ-wɛɣɛ teŋku lʋm tɛɛ nɑ mɑ́ kɔnɑ.

²⁴Nɑ ń fɛlɩ pɑ cɑləm tɑɑ kɛ́ nɔɔhɛɛ, nɑ nyɑ́ hɑsɩ tɔɣɔ-wɛ.

²⁵Hɑɩ, mɑ Ɩsɔ, mɑ wulɑʋ, pɑ nɑwɑ nyɑ́ cɑŋɑ kɛ nyɑ́ təyɑɣɑ tɑɑ.

²⁶Yonyoolɑɑ ntɛ́ nɔɣɔ tɔɔ, pɑ wɑɑləɣɩ wontu mɑtɑɑ, hɛkʋ tɑɑ kɛ́ ɑlʋpiyɑ mpɑ pɑ mɑkɩ ɑkilimisi tɔ.