Yontu 65:1-6

¹Tɑfiiti yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

²Hɑɩ, Ɩsɔ, tɩɩ sɑ-ŋ Siyɔŋ tɑɑ kɛ́ nɑ nɑɑni, nɑ tə́ lɑ́ ɩsɩɩ tə sɩɩʋ tɑ́ nɔɔsɩ tɔ.

³Nyɑ́ nɩɩkənɑ sələməŋ. Nyɑ́ cɔlɔɣɔ yəlɑɑ tənɑ kɑ́ kɔɔ.

⁴Tɑ́ kɑwɑlɑɣɑ tɛɛ-tʋɣʋ toŋ kɛ́. Amɑ nyɑɑ hɩɩsənɑ-kɛ.

⁵Leleŋ nɩɩlʋ ntɛ́ wei n ləsɑɑ nɑ ń yɑɑ sɩ ɩ́ cɑɣɑ nyɑ́ təyɑɣɑ tɑɑ kɛ́ nyɑ́ ɩsɛntɑɑ tɔ. Tɩɩ tɔɣɔ nyɑ́ təyɑɣɑ nɑŋŋ nyəŋkɑ tɑɑ kʋpɑntʋ nɑ tə́ hɑɣɑ.

⁶Tɑ́ nyʋɣʋ yɑ́tʋ Ɩsɔ nyɑ́ kʋpɑntʋ tɔɔ kɛ́ n nɩɩkɩ tɑ́ kʋsələmʋtʋ, nɑ ń lɑkɩ-tʋɣʋ kɔkɔlɔ nyəmnɑɑ. Nyɑɣɑ tɛtʋ nɑ lʋm pə tənɑsɩ yəlɑɑ tɛɛləɣɩ.