Yontu 60:1-9

¹Tɑfiiti yontu nti ɩ yoonɑ sɑŋkʋ sɩ ɩ sɛɣɛsəɣənɑ tɔɣɔlɔ.

²Tə tɑɑ kɛ́ Tɑfiiti kɛɛsəɣɩ ɩsənɑ ɩ yoonɑ Silii nyə́mɑ mpɑ pɑɑ wɛ Mesopotɑmi nɑ Sopɑ pə tɛtʋ tɑɑ tɔ. Pɑ məlɑɣɑ kpente ɩlɛnɑ Sowɑpɩ nɑ́ɑ́ kʋ Ɩtɔm tɛtʋ yoolɑɑ kɛ iyisi nɑɑnʋwɑ nɑ nɑɑlɛɣɛ (12.000) tɔm tɛtɛkəlɛ tɑɑ. Yontu ntəɣəlɛ sɩ:

³Hɑɩ, Ɩsɔ, nyɑ́ lɔnɑ-tʋ nɑ tə́ yɑ́ yem yem. Hɛɛsɩ nyɑ́ pɑ́ɑ́nɑ́ nɑ ń məŋnɑ-tʋ.

⁴N ciɣitɑ tɛtʋ nɑ tə́ yɑ́ pɔɣɔlɛɛ, nyɑlɑ-yɛ, tɔfɔ tə tɔŋnɑ seluɣu kɛ́.

⁵N mɑɣɑsɑ nyɑ́ yəlɑɑ tɑ́ nɑ toŋ, nɑ ń cɑɑlɩ-tʋ nɑ tə́ nyɔɔ sʋlʋm kʋkʋkʋm.

⁶N hʋlɑ nyɑ́ kʋpɑmɑ kɛ yɑɑsi wei pɑ́ nɑwɑ, ɩlɛ pɑ se kolontu nyəmɑ́ kʋtɔtɔnɑ tɔ.

⁷Hɑɩ, cɔ-tʋ nɑ ń kɔɔ tɑ́ wɑɑsʋɣʋ, ɩlɛnɑ ń yɑ́ nyɑ́ kʋsɔɔllɑɑ tɑ́, nɑ nyɑ́ toŋ.

⁸Ɩsɔ yɔɣɔtɑ ɩ təsɛɛlɛ nɑŋŋ nyəntɛ tɑɑ sɩ: Mɑɑ tɔɣɔnɑ ɑkɑɩtʋ. Mɑɑ tɑlɑ Sikɛm ɩcɑtɛ, nɑ mɑ́ fɑɣɑ Sukɔtɩ tɛtɛkəlɛ kɛ hɔɣɔləŋ.

⁹Mɑ́ tənnɑ Kɑlɑɑtɩ nɑ Mɑnɑsee. Ɩfəlɑyim kɛlɛ mɑ yoou kɑhukɑ. Yutɑ kɛlɛ mɑ kɑwulɑɣɑ kpɑ́tʋɣʋ.