Yontu 57:5-11

⁵Mpɑ pɑ hɛkʋ mɑ wɛɛ tɔ pɑ tɔkɩ yəlɑɑ kɛ́ ɩsɩɩ tɔɣɔlɑsɩ. Pɑ kelɑ sɛŋtɑɑ kɛ́ ɩsɩɩ ŋmɑntɑɑsɩ nɑ nyəmɑ́, nɑ pɑ nsəmlɛ nɑ lɔŋ ɩsɩɩ lɑɣɑtɛ.

⁶Hɑɩ Ɩsɔ, nyɑ́ sɔsɔɔntʋ ɩ́ kəlɩ ɩsɔtɔnʋɣʋ kɛ kʋlʋɣʋ, nɑ nyɑ́ teu nɑ tɛtʋ tənɑ tɔɔ.

⁷Pɑɑ hulɑ pʋʋɣʋ kɛ mɑ mpɑɑʋ tɑɑ kɛ́, nɑ kʋ lumsu-m. Ɩlɛnɑ pɑ́ nyɩ-m kɑtɔkɑ. Amɑ kʋlʋmɑɑ mpɛ pɑ hotinɑ kɑ tɑɑ.

⁸Hɑɩ Ɩsɔ, mɑ nyɔɔ toŋ, mɑɑ sɑ-ŋ nɑ mɑ́ pʋɣʋlɩ-ŋ.

⁹Mɑ ləsɑɣɑ, fe, mɑ cəmʋɣʋ nɑ mɑ sɑŋkʋ ɩ́ fe, mɑɑ fe nɑ pə́cɔ pə́ nyɑɑlɩ.

¹⁰Tɑcɑɑ mɑɑ sɑ-ŋ yəlɑɑ tɑɑ, nɑ mɑ́ pʋɣʋlɩ-ŋ piitimnɑɑ tɑɑ.

¹¹Mpi tɔ, nyɑ́ kʋpɑntʋ sɔsɔɔntʋ tɑpɑ ɩsɔtɔnʋɣʋ kɛ́, nɑ nyɑ́ teu nɑ́ɑ́ tɛɛ ɩsɔŋmʋntʋ tɔɔ.