Yontu 45:8-16

⁸N sɔɔlɑ siɣisuɣu kɛ́ nɑ ń kisi ɩsɑɣɑtʋ. Pə tɔɔ kɛ́ nyɑ́ Ɩsɔ ləsɑ-ŋ nyɑ́ tɑɑpɑlɑɑ tɑɑ, nɑ pɑ́ pəlɩ-ŋ kɔtɑɣɑ nim.

⁹Nɑ tulɑɑlʋnɑɑ wɑɑnɩ wɑɑnɩ sɔɔsʋŋ kɛ nyɑ́ wontu tɔɔ. Nɑ lɑŋhʋlʋmlɛ yonkpɑɑmɑ kʋləɣɩ, nyɑ́ kutuluŋ wei pɑ lɑpɑ cɑŋəm nɑ tuuŋ kelɑ tɔ ɩ tɑɑ.

¹⁰Awulɑɑ pɛɛlɑɑ wɛ kɑwulɑɣɑ təyɑɣɑ tɑɑ ɑlɑɑ tɑɑ. Wulɑʋ ɑlʋnyəŋ səŋɑ nyɑ́ ntɔɣɔŋ tɔɔ nɑ ɩ́ tʋwɑ wʋlɑnɑɑ kʋpɑmɑ.

¹¹Mɑ pɛɛlɔ ke ŋkpɑŋŋ kɛ teu nɑ ń kɛɛsɩ ɩsɛ nɑ mɑ tɔɔ. Sɔɔ nyɑ́ yəlɑɑ nɑ nyɑ́ cɑɑ təyɑɣɑ pə tɔɔ.

¹²Wulɑʋ ləsɑɣɑ ɩ́ sʋʋ-ŋ nyɑ́ teu tɔɔ. Ɩnəɣəlɛ nyɑ́ sɔsɔ, luŋɩ-ɩ ɑtɛ.

¹³Tiii ɩcɑtɛ nyə́mɑ mpɑ pɑ wɛnɑ liɣitee nɑ pə́ kəlɩ lɛlɑɑ tɔ, pɑɑ pɛɛkɩ sɩ ń hʋlɩ-wɛɣɛ pɛɛlɛɛ, ɩlɛnɑ pɑ́ hɑ-ŋ kʋcɔɔŋ.

¹⁴Wulɑʋ pɛɛlɔ tewɑɣɑ təkpɑpɑ kɛ́ kɑwulɑɣɑ təyɑɣɑ tɑɑ. Wontu nti pɑ lʋʋnɑ wʋlɑ tɔɣɔ ɩ suuwɑ.

¹⁵Pɑ sɔpɑ-təɣɩ ŋmɑləm pɑɣɑlɛ kɛ́. Ntəɣɩ ɩ suuki nɑ pɛɛlɑɑ sɩɩ-ɩ nɑ pɑ́ ponɑ wulɑʋ kiŋ.

¹⁶Nɑ pɑ́ sʋʋkənɑ-ɩ nɑ kɑwilitɑsɩ kɛ wulɑʋ təyɑɣɑ.