Yontu 45:1-9

¹Kolee yontu nti tə kɛ́ sɔɔlʋɣʋ nyəntʋ nɑ pɑ́ yookinɑ cəməŋ nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

²Tɔm kʋpɑntʋ hɑɣɑ mɑ tɑɑ kɛ́ sɩ mɑ́ yɔɣɔtɩ. Wulɑʋ kɛ mɑ yoo mɑ yontu. Mɑɑ yoo-təɣɩ nɑ cɑŋəm ɩsɩɩ tɑkəlɑɣɑ ŋmɑɑlʋ kʋpɑŋ.

³N tɛ́ɛ́ ɑpɑlɑɑ tənɑɣɑ ɩsɛntɑɑ lɩɩʋ, nɑ ń yɔɣɔtəɣənɑ cɑŋəm. Ɩsɔ koolɑ-ŋ kʋpɑntʋ kɛ tɑm tɔɔ kɛ́.

⁴Yoolɑɑ tɑɑ yoolu, ləlɩ nyɑ́ lɑɣɑtɛ. Ntɛɣɛlɛ nyɑ́ teu nɑ nyɑ́ teeli.

⁵Kpɑ nyɑ́ yoou kɛɛkɛ tɑɑ nɑ nyɑ́ sɔsɔɔntʋ, nɑ ń hʋlɩ tɑmpɑnɑ təŋʋɣʋ nɑ ń sɛɛnɑ ɑcɑmɑɑ tɔɔ. Nyɑ́ toŋ ɩ́ nɑ́nɑ́ nyɑ́ kookɑlənɑɑ sɔsɑɑ tɑɑ.

⁶Tɔ nyɑ́ nyəmɑ́ kʋsɛŋtɛɛ nɑ ń yɑɣɑ nyɑ́ kolontunɑɑ nyɑmɑ nɑ ń məŋnɑ-wɛɣɛ nyɑ́ tɛɛ.

⁷Hɑɩ, Ɩsɔ, nyɑ́ kumte wɛ tɑm tɔɔ kɛ́. Tɑmpɑnɑ kɛ n təŋəɣɩ nɑ ń tɔkənɑ nyɑ́ kɑwulɑɣɑ.

⁸N sɔɔlɑ siɣisuɣu kɛ́ nɑ ń kisi ɩsɑɣɑtʋ. Pə tɔɔ kɛ́ nyɑ́ Ɩsɔ ləsɑ-ŋ nyɑ́ tɑɑpɑlɑɑ tɑɑ, nɑ pɑ́ pəlɩ-ŋ kɔtɑɣɑ nim.

⁹Nɑ tulɑɑlʋnɑɑ wɑɑnɩ wɑɑnɩ sɔɔsʋŋ kɛ nyɑ́ wontu tɔɔ. Nɑ lɑŋhʋlʋmlɛ yonkpɑɑmɑ kʋləɣɩ, nyɑ́ kutuluŋ wei pɑ lɑpɑ cɑŋəm nɑ tuuŋ kelɑ tɔ ɩ tɑɑ.