Yontu 35:13-23

¹³Pəyele sɑɑ wei pə wɩɩkɑɣɑ mpɛ tɔ mɑ suukɑɣɑ ləyɑɣɑ wontu kɛ́ nɑ mɑ́ hɔkəɣɩ nɔɣɔ, nɑ mɑ́ sələməɣɩ Ɩsɔ nɑ nyʋɣʋ kɑmɑ sɩ pə́ wɑɑ-wɛ.

¹⁴Mɑ nyənɑɣɑ-wɛɣɛ mɑ newɑɑ yɑɑ mɑ tɑɑpɑlɑɑ kɛ́, nɑ pɑ tɔm wɑkələɣɩ mɑ lɑŋlɛ. Nɑ mɑ́ tɔŋ nɔɔhəlɛ nɔɔhəlɛ. Nɑ ɩsɛ kɑmɑ ɑtɛ ɩsɩɩ mɑ too kʋlʋlʋ səpənɑ.

¹⁵Ɩlɛnɑ mpɛ pɑ́ woŋiɣi mɑɣɑ sɑɑ wei mɑ cɛŋləɣɩ tɔ. Nɑ pɑ́ pɛɛləɣɩ mɑ tɔɔ kɛ́ nɔɣɔ. Kpɑɩ nyə́mɑ mpɑ mɑ tɑ nyɩ tɔ, pɑɑ hɛɛsəɣɩ mɑ tɔm kɛ kɑpusi mɑpʋ.

¹⁶Pə copɑ-m nɑ pɑ́ woŋ nɑ pɑ́ kpɑləsɩ. Nɑ pɑ́ nyɩɩkɩ-m kelɑ nɑ pɑ́ɑ́nɑ́.

¹⁷Tɑcɑɑ wɑɑtʋ wei kɛ́ n kɑ́ hɛɛsɩ-m nyənʋɣʋ nɑ ɩsɛ? Kenti-m tɔɣɔlɑsɩ nsɩ nɑ ń yɑ-m sɩ səkpɑŋ tɑɑ.

¹⁸Ɩlɛ mɑɑ sɑ-ŋ kotilɑɑ tɑɑ. Nɑ mɑ́ sɛɛ-ŋ yəlɑɑ sɑmɑɑ tɑɑ.

¹⁹Tɑɑ yele nɑ mɑ kolontunɑɑ mpɛ pɑ́ pɑɑnɑ mɑ wɑhɑlɑ. Mpɑ ɩnɩ pɑ tɑɑ kpɑɑnɑ-m mʋsʋŋ tɔ, pɑ yele təmɑɣɑ ɩsɛ cəpəlʋɣʋ kɛ mɑ tɔm.

²⁰Pɑɑ yɔɣɔtəɣɩ tɔm kʋpɑntʋ pəyele pɑ cɑkənɑ yəlɑɑ mpɑ pɑ wɛ təpɑmm tɔɣɔ tɑm.

²¹Pɑ hɑɑkɩ pɑ nɔɔsɩ nɑ mɑ tɔɔ nɑ pɑ́ woŋiɣi nɑ pɑ́ kpɑləsəɣɩ sɩ: Tə nɑ-ŋ kɛ́ nɑ tɑ́ ɩsəpile təkelekele.

²²Tɑcɑɑ, n nɑwɑ mpi pə lɑpɑ tɔ, Tɑɑ hɑtələnɑ-m, pəyele tɑɑ su.

²³Hɑɩ Tɑcɑɑ, kʋlɩ nɑ ń hɑ-m tɑmpɑnɑ, mɑ cɑɑ Ɩsɔ, sɛɛnɑ mɑ tɔɔ.