Yontu 33:4-14

⁴Mpi tɔ, Tɑcɑɑ nyɑ́ kʋyɔɣɔtʋtʋ kɛ́ tɑmpɑnɑ kɛ́, nɑ nyɑ́ kʋlɑpʋtʋ tənɑ hʋləɣənɑ mpʋ.

⁵N sɔɔlɑ siɣisuɣu nɑ tɑmpɑnɑ təŋʋɣʋ kɛ́. Tɑcɑɑ kʋpɑntʋ suwɑ tɛtʋ tɑɑ kɛ́.

⁶Tɔmʋɣʋ kɛ n yɔɣɔtɑɑ, nɑ pə́ lɑ ɩsɔtɔnʋɣʋ nɑ ilim nɑ ɩsɔtʋ nɑ ɩsɔtʋlʋŋɑsɩ nɑ́ɑ́ wɛɛ.

⁷N kpeɣelɑ teŋku lʋm kɛ təntəmlɛ. Nɑ ń tʋ lʋmnɑɑ sɔsɔɔm kɛ kotikotuŋ tɑɑ.

⁸Tɛtʋ tənɑ ɩ́ nyɑnɑ Tɑcɑɑ, nɑ tə tɑɑ yəlɑɑ tənɑ sele nyɑ́ kiŋ.

⁹Mpi tɔ, ń yɔɣɔtɑɑ pə lɑkɩ kɛ́. Ń kulɑ nɔɣɔ sɩ mpi pə wɛɛ, pəlɛ pə wɛɛ.

¹⁰Tɑcɑɑ n wɑkələɣɩ təmɑ nnɑ piitimnɑɑ sɩɩwɑ sɩ pɑ lɑkɩ tɔɣɔ, nɑ ń hɛtəɣɩ nti pɑ hɔkəɣɩ tɔ.

¹¹Amɑ təmɑ nnɑ Tɑcɑɑ n sɩɩwɑ nɑ ń təŋəɣɩ nɑ ń lɑkɩ tɔ ɑ wɛ tɑm kɛ́. Nɑ ń hɔkɑ nti təlɛ tə wɛɛ ḿpʋɣʋ pɩɩsɩ pɩɩsɩ.

¹²Leleŋ nɩɩlɑɑ ntɛ́ piitim mpi pə nyənəɣɩ Tɑcɑɑ kɛ pə Ɩsɔ tɔ. Nɑ yəlɑɑ mpɑ n ləsɑɑ sɩ nyɑ́ nyə́mɑ tɔ.

¹³Tuu ɩsɔtɑɑ kɛ́ Tɑcɑɑ n wɛɛ nɑ ń nyənəɣɩ nɑ ń nɑɑkɩ yəlɑɑ tənɑ.

¹⁴Nyɑ́ təcɑɣɑlɛ tɑɑ kɛ́ n wɛɛ nɑ ń keŋnɑ ɑtɛ nyə́mɑ tənɑ tɔɔ.