Text copied!
CopyCompare
PIIPILI ƖSƆ TƆM TAKƎLAƔA - Yontu - Yontu 33

Yontu 33:2-20

Help us?
Click on verse(s) to share them!
2Ɩ́ sɑmɩ-ɩ nɑ cəmʋɣʋ, nɑ ɩ́ tɑlɑ-ɩ nɑ ŋmɩɩsɩ nɑɑnʋwɑ nyəŋkʋ.
3Ɩ yoo-ɩ yontu kʋfɑtʋ, nɑ mə cəməŋ nɑ mə nɔɔsɩ kʋlɩ ɩsɔtɑɑ.
4Mpi tɔ, Tɑcɑɑ nyɑ́ kʋyɔɣɔtʋtʋ kɛ́ tɑmpɑnɑ kɛ́, nɑ nyɑ́ kʋlɑpʋtʋ tənɑ hʋləɣənɑ mpʋ.
5N sɔɔlɑ siɣisuɣu nɑ tɑmpɑnɑ təŋʋɣʋ kɛ́. Tɑcɑɑ kʋpɑntʋ suwɑ tɛtʋ tɑɑ kɛ́.
6Tɔmʋɣʋ kɛ n yɔɣɔtɑɑ, nɑ pə́ lɑ ɩsɔtɔnʋɣʋ nɑ ilim nɑ ɩsɔtʋ nɑ ɩsɔtʋlʋŋɑsɩ nɑ́ɑ́ wɛɛ.
7N kpeɣelɑ teŋku lʋm kɛ təntəmlɛ. Nɑ ń tʋ lʋmnɑɑ sɔsɔɔm kɛ kotikotuŋ tɑɑ.
8Tɛtʋ tənɑ ɩ́ nyɑnɑ Tɑcɑɑ, nɑ tə tɑɑ yəlɑɑ tənɑ sele nyɑ́ kiŋ.
9Mpi tɔ, ń yɔɣɔtɑɑ pə lɑkɩ kɛ́. Ń kulɑ nɔɣɔ sɩ mpi pə wɛɛ, pəlɛ pə wɛɛ.
10Tɑcɑɑ n wɑkələɣɩ təmɑ nnɑ piitimnɑɑ sɩɩwɑ sɩ pɑ lɑkɩ tɔɣɔ, nɑ ń hɛtəɣɩ nti pɑ hɔkəɣɩ tɔ.
11Amɑ təmɑ nnɑ Tɑcɑɑ n sɩɩwɑ nɑ ń təŋəɣɩ nɑ ń lɑkɩ tɔ ɑ wɛ tɑm kɛ́. Nɑ ń hɔkɑ nti təlɛ tə wɛɛ ḿpʋɣʋ pɩɩsɩ pɩɩsɩ.
12Leleŋ nɩɩlɑɑ ntɛ́ piitim mpi pə nyənəɣɩ Tɑcɑɑ kɛ pə Ɩsɔ tɔ. Nɑ yəlɑɑ mpɑ n ləsɑɑ sɩ nyɑ́ nyə́mɑ tɔ.
13Tuu ɩsɔtɑɑ kɛ́ Tɑcɑɑ n wɛɛ nɑ ń nyənəɣɩ nɑ ń nɑɑkɩ yəlɑɑ tənɑ.
14Nyɑ́ təcɑɣɑlɛ tɑɑ kɛ́ n wɛɛ nɑ ń keŋnɑ ɑtɛ nyə́mɑ tənɑ tɔɔ.
15Nyɑ́ ŋmɑnɑ pɑ tənɑ nɑ ń tʋ-wɛɣɛ cɛkənɑʋ ləmɑɣɑsɛɛ nɑ pʋlʋ lɑpʋ yɑɑ pə kisuɣu ləmɑɣɑsəlɛ. Nɑ pɑ́ feŋiɣi pɑ təmɑ.
16Pə tɑɣɑ yoolɑɑ tuutuumɑ kɛ wulɑʋ tɔkənɑ yoou. Pəcɔ tomiŋ nɑɑ wɑɑsəɣɩ yoolu.
17Pə tɑɣɑ yoou kpɑɣɑnʋ tomɑ yɑɑ ɩ ɑlɑɑfəyɑ yɑkənɑ ɩ cɑɣɑlʋ.
18Amɑ Tɑcɑɑ nyɑ́ ɩsəlɛ nɑ́ wɛ mpɑ pɑ nyɑŋnɑ-ŋ nɑ pɑ́ tɛɛləɣɩ nyɑ́ kʋpɑntʋ tɔ pɑ tɔɔ kɛ́.
19Nɑ ń ləsəɣɩ-wɛɣɛ səm tɑɑ. Nɑ ń pɑɑsəɣənɑ-wɛɣɛ nyɔɣɔsɩ wɑɑtʋ nɑ pɑ́ wɛnɑ weesuɣu.
20Tɑcɑɑ nyɑɣɑ tɑ́ tɛɛləɣɩ. Nyɑ́ wɑɑsəɣənɑ-tʋ nɑ ń kentiɣi tɑ́ tɔɔ.

Read Yontu 33Yontu 33
Compare Yontu 33:2-20Yontu 33:2-20