Yontu 26:1-12

¹Tɑfiiti yontu. Tɑcɑɑ, hɑ-m tɑmpɑnɑ. Mpi tɔ, mɑ yɑɑsi tewɑɣɑ, pəyele mɑ pɛtɑ-ŋ mɑ təɣɩ təkpɑtɑɑ. Mɑ tɑ hɛlɩ.

²Mɑɣɑsɩ-m nɑ ń wiili mɑ lotu tɑɑ, nɑ ń yɑsɩ mɑ ləmɑɣɑsɛɛ tɑɑ nɑ ń nɑ́.

³Mɑ nɑɑkɩ nyɑ́ kʋpɑntʋ nɑ mɑ ɩsɛ, nɑ mɑ́ tɔŋ nyɑ́ tɑmpɑnɑ tɑɑ.

⁴Mɑɑ təŋəɣɩ pɔpɔtʋnɑɑ, pəyele mɑ nɑ mənɑɑfikinɑɑ tɩɩ tɔŋ.

⁵Mɑ tɑɑ kpɑɑkənɑ ɩsɑɣɑlɑtɑɑ kpekəle kɛ́. Pəyele mɑɑ kpətəɣənɑ nyɔɔŋ fɛɩnɑɑ.

⁶Tɑcɑɑ, mɑɑ sɑŋ mɑ niŋ nɑ pə́ hʋlɩ sɩ mɑ kɛ́ kʋpɑŋ, nɑ mɑ́ cɔɔ kɔtɑɣɑ təlɑtɛ,

⁷nɑ mɑ́ sɛɛkɩ-ŋ nɑ mɑ́ sɑŋ nyɑ́ kookɑlənɑɑ.

⁸Tɑcɑɑ mɑ sɔɔlɑ nyɑ́ təyɑɣɑ kɛ́. Nyɑ́ təcɑɣɑlɛ tənɑɣɑ nyɑ́ teeli nɑɑkɩ.

⁹Tɑɑ kpɛntɩ mɑ́ nɑ ɑsɑɣɑɑ kɛ təkʋlɛ, yɑɑ mɑ́ nɑ yʋlʋkʋlɑɑ tɑ́ weesiŋ ləsʋɣʋ.

¹⁰Mpɑ pɑ lɑkɩ kɑwɑlɑɣɑ nɑ pɑ́ pɑɑləɣɩ kʋhɑɑŋ ɩsɑɣɑŋ tɔ.

¹¹Mɑ yɑɑsi tewɑɣɑ. Nyənɩ mɑ pətɔɔtəlɛ nɑ ń yɑ-m.

¹²Mɑ səŋɑɑ kɛ́ təcɑ, mɑɑ sɛɛ Tɑcɑɑ kɛ sɑmɑɑ tɑɑ.