Yontu 25:5-20

⁵Tiiki-m nyɑ́ tɑmpɑnɑ tɑɑ, nɑ ń sɛɣɛsɩ-m-yɛ. Mpi tɔ, Ɩsɔ nyɑ́, nyɑ́ yɑkənɑ-m. Nyɑɣɑ mɑ tɛɛləɣɩ tɑm.

⁶Tɑcɑɑ, tɔɔsɩ sɩ hɑtoo tɔ n kɛ́ kʋpɑŋ kɛ́, nɑ ń sɔɔləɣɩ yəlɑɑ.

⁷Tɑɑ tɔɔsɩ mɑ ɩfepile kʋpəntəŋ nɑ mɑ ɩsɑɣɑtʋ tɔm. Amɑ nyənɩ mɑ pətɔɔtəlɛ nɑ ń tɔɔsɩ mɑ tɔɔ kɛ́ nyɑ́ kʋpɑntʋ tɔɔ.

⁸Tɑcɑɑ n kɛ́ kʋpɑŋ kɛ́ nɑ ń siɣisɑɑ. Pə tɔɔ kɛ́ n hʋləɣɩ pəntəlɑɑ kɛ mpɑɑʋ.

⁹N teesiɣi mpɑ pɑ ɩsɛ pɑ tɔkɩ tɔ pɑ tɔm kɛ́. Nɑ ń hʋləɣɩ-wɛɣɛ nyɑ́ luɣu nyəntʋ.

¹⁰Mpɑ pɑ tɔkəɣɩ Tɑcɑɑ nyɑ́ nɔɔsɩ pɛɛlʋɣʋ nɑ nyɑ́ kʋsəsɩɩtʋ tɔ pɑ nɑɑkɩ nyɑ́ mpɑɑŋ tənɑ tɑɑ kɛ́ sɔɔlʋɣʋ nɑ kʋpɑntʋ kɛ́.

¹¹Hɑɩ, Tɑcɑɑ hɩɩsɩ mɑ ɩsɑɣɑtʋ sɔsɔɔntʋ kɛ nyɑ́ hətɛ tɔɔ.

¹²Ye yʋlʋ nyɑŋnɑ Tɑcɑɑ, Tɑcɑɑ hʋləɣɩ-ɩ mpɑɑʋ ŋku ɩ kɑ́ təŋ tɔɣɔ.

¹³Pə yʋlʋ wɛɛkɩ leleŋ tɑɑ kɛ́. Ɩlɛnɑ ɩ piyɑ nɑ́ɑ́ tɔɣɔ tɛtʋ.

¹⁴Tɑcɑɑ heeliɣi pʋntʋ kɛ ɩ lotu kɛ́, nɑ ɩ́ hʋləɣɩ-ɩ nɔɣɔ pɛɛlʋɣʋ təmɑ.

¹⁵Tɑcɑɑ kɛ mɑ tekiɣi tɑm. Mpi tɔ, ɩnɩ ɩ kɑ ləsənɑ-m kɑtɔkɑ ŋkɑ kɑ kpɑ-m tɔ kɑ tɑɑ.

¹⁶Hɑɩ, hʋlʋ-m nyɑ́ pɛɛlɛɛ nɑ ń kɛɛsənɑ mɑ tɔɔ. Mpi tɔ, mɑ kɛ́ kɑtɑyəlɑɣɑ kɛ́, nɑ kʋnyɔntɔɣɔlʋ.

¹⁷Nəɣəsɛɛ sɔɔsəɣɩ mɑ lotu tɑɑ kɛ́. Ləsɩ-m mɑ lɑŋwɑkəllɛ tɑɑ.

¹⁸Nyənɩ mɑ kʋnyɔŋ nɑ mɑ wɑhɑlɑ nɑ ń hɩɩsɩ mɑ kʋpəntəŋ tənɑ.

¹⁹Nyənɩ mɑ kolontunɑɑ pɑɣɑlɛ, nɑ ɩsənɑ pɑ tɑɑ hɑŋəɣənɑ-m sɔsɔm tɔ.

²⁰Kenti mɑ weesuɣu tɔɔ nɑ ń yɑ-m, nɑ mɑ́ tɑɑ lɑ mɑɑ nyəmɑ, kɛ ɩsənɑ mɑ pɛtɑ-ŋ mɑ tɩ tɔ pə tɔɔ.