Yontu 21:1-12

¹Tɑfiiti yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

²Tɑcɑɑ wulɑʋ lɑŋlɛ hɛɛnɑ nyɑ́ tomɑ sɔsɔɔnɑ kɛ́. Nɑ ɩ́ ŋmɑɑləɣənɑ nyɑ́ wɑɑsʋɣʋ pə fɛɩnɑ.

³Mpi ɩ luɣu sɔɔlɑɑ tɔɣɔ n hɑ-ɩ, n tɑ pɛmɩ-ɩ ɩ kʋsələməm.

⁴N koolɑ-ɩ kʋpɑntʋ kɛ tuutuumɑ. N temɑ-ɩ wʋlɑ ntenuɣu.

⁵Ɩ sələmɑ-ŋ weesuɣu nɑ ń hɑ-ɩ, nɑ kʋ tɑɣɑlɩ teu.

⁶N wɑɑsɑ-ɩ nɑ ɩ teeli tɔɔ sɔsɔm. Nɑ ń suu-ɩ teu nɑ sɔsɔɔntʋ.

⁷N kooliɣi-ɩ kʋpɑntʋ kɛ tɑm tɔɔ kɛ́, nɑ ń wɛ ɩ kiŋ nɑ ɩ lɑŋlɛ hʋləməɣɩ.

⁸Wulɑʋ pɛtɑ ɩ təɣɩ Tɑcɑɑ kɛ́. Nɑ ɩsɔtɑɑ Ɩsɔ Sɔsɔ kʋpɑntʋ tɔɔ, pə kɑɑ cɛŋlɩ-ɩ.

⁹Hɑɩ, wulɑʋ, nyɑ́ niŋ ɩ wɛɛ nyɑ́ kolontunɑɑ nɑ mpɑ pɑɑ cɑɑ-ŋ tɔ pɑ tɔɔ.

¹⁰Kʋyɑŋku n kɔŋ tɔ, n kɑ́ tʋ-wɛɣɛ kɔkɔ sɔsɑɣɑ tɑɑ kɛ́. Tɑcɑɑ n kɑ́ kpiisi-wɛɣɛ nɑ pɑ́ɑ́nɑ́, nɑ kɔkɔ nyɑɣɑ-wɛ.

¹¹Nɑ ń kpiisi pɑ lʋləŋ tənɑɣɑ tɛtʋ tɑɑ yəlɑɑ tɑɑ.

¹²Pɑɑ hɔkɔ ɩsɑɣɑtʋ sɩ pɑ lɑkɩ-ŋ, ɩlɛ pɑ kɑɑ pəsɩ.