Yontu 16:1-9

¹Tɑfiiti yontu. Hɑɩ, Ɩsɔ, kenti mɑ tɔɔ, nyɑ́ kiŋ kɛ mɑ cɑɑ mɑ cɔɔsɩ.

²Mɑ heelɑ Tɑcɑɑ sɩ: Nyɑɣɑlɛ mɑ cɑɑ, nyɑ́ kiŋ tike kɛ mɑ nɩɩkɩ leleŋ.

³Ɩsɔ yəlɑɑ mpɑ pɑ wɛ tɛtʋ tɑɑ tɔɣɔ mɑ cɑɑkɩ teu.

⁴Yəlɑɑ lʋləsəɣɩ tɩɩŋ kɛ́ nɑ pɑ́ təŋəɣɩ kpɑɩ nyəŋ. Mɑ kɑɑ lɑɑ tɩɩŋ yɑɑ mɑ́ tɩɩ yɑɑ ɩ həlɑ nɑ mɑ nɔɣɔ.

⁵Tɑcɑɑ, nyɑɣɑlɛ mɑ pɑɑ tete, n hɑɑkɩ-m mpi mɑ nyɩɩləɣɩ tɔ. N tɔkɑ mpi pɩɩ mɑɣɑnɑ-m cele tɔɣɔ nyɑ́ niŋ tɑɑ.

⁶Mɑ pɑɑ tete kʋpɑmpɑntɛ nte mɑ hikɑɑ tɔɣɔlɛ, mɑ lɑŋlɛ hɛɛnɑ nyɑ́ kʋhɑhɑm mpɩ.

⁷Mɑ sɛɛ mɑ lɑɣɑtʋ tɑsʋlʋ Tɑcɑɑ. Pɑɑ ɑhoo tɑɑ pə sɛɣɛsəɣɩ-m mɑ tɑɑ kɛ́.

⁸Mɑ nɑɑkɩ Tɑcɑɑ kɛ tɑm kɛ́. Mɑɑ cɛŋləɣɩ, mpi tɔ, n wɛ mɑ kɔŋkɔŋ tɑɑ.

⁹Pə tɔɔ kɛ́ mɑ hɛɛsɑɑ mɑɑ nyɑŋnɑ pʋlʋpʋ, nɑ mɑ lɑŋlɛ hʋlʋmɑɑ nɑ mɑ́ yɔɔləɣɩ.