Yontu 139:16-22

¹⁶Wɑɑtʋ wei pə tɑɑ ŋmɑɣɑtɑ-m tɔ n nɑɑkɑɣɑ-m, hɑlɩ n ŋmɑɑ nyɑ́ tɑkəlɑɣɑ tɑɑ kɛ́ kʋyɛɛŋ wei n hɑ-m tɔ nɑ ɩ́ tɑ cɑɑlətɑ.

¹⁷Hɑɩ, Ɩsɔ, mɑɑ cɛkəɣənɑ nyɑ́ ləmɑɣɑsɛɛ. A tɔɔwɑɣɑ pə tɩɩ fɛɩ.

¹⁸Pɑɑ mɑ kɑləɣɩ-yɛ ɑ kəlɑ pɑɣɑlɛ kɛ kɑnyəŋɑ pee. Pɑɑ mɑ kɑlɑɑ nɑ mɑ kʋkɑlətʋ tɛ, mɑ kɑɑ tɛ-ŋ cɛkənɑʋ.

¹⁹Hɑɩ, Ɩsɔ, mɑ kooliɣi sɩ ń kʋ ɑsɑɣɑɑ. Hɑtələnɑ-m yʋlʋkʋlɑɑ mpɛ.

²⁰Tɔm ɩsɑɣɑtʋ kɛ nyɑ́ kolontunɑɑ yɔɣɔtəɣɩ nyɑ́ tɔɔ, nɑ pɑ́ kpɑkəɣɩ nyɑ́ hətɛ nɑ pɑ́ looliɣinɑ.

²¹Tɑcɑɑ mɑ tɑɑ kpɑɑnɑ mpɑ pɑ tɑɑ kpɑɑnɑ-ŋ tɔɣɔ. Mɑɑ cɑɑkɩ mpɑ pɑ kʋləɣɩ nyɑ́ tɔɔ tɔ.

²²Mɑ tɑɑ kpɑnɑ-wɛɣɛ nɑ pə́ tɛɛ mpəle. Mɑ nyənəɣɩ-wɛɣɛ mɑ kolontunɑɑ kɛ́.