42Nɑ mɑ́ wɛɛnɑ nti mɑɑ cɔ mɑ tʋʋlɑɑ tɔ. Mpi tɔ, nyɑ́ kʋyɔɣɔtʋtʋ kɛ mɑ lɑpɑ nɑɑni.
43Tɑɑ ləsɩ tɑmpɑnɑ tɔm kɛ mɑ nɔɣɔ tɑɑ təkpɑtɑɑ. Nti n mɑɣɑsəɣɩ nyɑ́ tɑɑ tɔɣɔ mɑ tɑŋɑɑ.
44Mɑɑ tɔkɩ nyɑ́ kiiu kɛ pɑɑ kʋyɑkʋ ŋkuɣu tɑm tɔɔ kɛ́.
45Mɑ cɑɑ mɑ́ tɔnɑ mɑ təɣɩ. Mpi tɔ, nyɑ́ kʋsəsɩɩtʋ kɛ mɑ pɛɛkəɣɩ.
46Mɑɑ heeli nyɑ́ kʋsəsɩɩtʋ tɔm kɛ ɑwulɑɑ, fɛɛlɛ kɑɑ wɛɛ-m.
47Nyɑ́ kʋsəsɩɩtʋ kɛ mɑ lɑŋlɛ hɛɛnɑɑ. Mpi tɔ, mɑ sɔɔlɑ-təɣɩ.
48Mɑ nɩɩkənɑ nyɑ́ kʋsəsɩɩtʋ kɛ́. Mɑ sɔɔlɑ-təɣɩ. Mɑ cɑɑ mɑ mɑɣɑsɩ-təɣɩ mɑ tɑɑ kɛ́.
49Tɔɔsɩ tɔm nti n kɑ heelɑ nyɑ́ təmlɛ tʋ mɑ́ tɔ tə tɔɔ. Ntɩ tə tʋnɑ-m nɑɑni.
50Ntɩ tə hɛɛsəɣənɑ mɑ lɑŋlɛ kɛ mɑ wɑhɑlɑ tɑɑ. Nyɑ́ tɔm kʋpɑntʋ hɑɑkənɑ-m weesuɣu.
Yontu 119
Yontu 119:42-50