Text copied!
CopyCompare
YAUBADA A WOGATALA WOUNA - Yoni - Yoni 8

Yoni 8:6-11

Help us?
Click on verse(s) to share them!
6Baha geka hi bahebaheya ipa iyowai ma Yesu a baha powa hina nonoli yaka hina numa panipani po hina libahibahi. Ma Yesu ega kikina hai baha ita wimiheya, ma i medobudobu ma hoi hipuli i yamgiluma.
7Ma tauhi hi laubayabayadeya, ega yaka Yesu i wotowolo po i baha uyahihi i pa, ‘Oo, i dewadewa duma. Ma taumi uyahimiyei inapa iyai ega a apapoe yaka apo tauna gaima ina halena tahaeya wawine naka uyahina.’
8Ma i medobudobu po hoi hipuli i yamgiluma meme.
9Ma Yesu a baha hi noonoli po, yamoha po yamoha a apapoe i nugonugotuhu tuhagaya yaka hi nehaleya babada hi tahaya ma hewahewali hi wimuli. Yesu hi nehaleya ma wawinena tunawana i towotowolo.
10Ega yaka Yesu i wotowolo po i lubayadeya i pa, ‘Wawine, meka tauhi hi nae, po ega iyai gehouna ita memae, ma ita laibahibahim?’
11Wawinena Yesu i paliweleya i pa, ‘Bada, ega iyai gehouna ita memae.’ Ega yaka Yesu i baha meme i pa, ‘Oo, i dewadewa, tau apeega gasi a wigoum ma una nae, ma a paliwelem ega apapoe una dewadewa meya.’

Read Yoni 8Yoni 8
Compare Yoni 8:6-11Yoni 8:6-11