Yone 2:5-13

⁵Ani layagola ibu ai̱yahanda biabe biaga agali hearuhondo lalu, Yasuhanda bidaba laradagua bilimu, lene.

⁶Iba be timbuni ege to̱le̱me wabini waragaria wini. Yu wali agalime iba be uruniha howa iba hambialu tinaga ilili biagane mana winidagua wayawaya biaga hene. Iba be uruni homane mbirago mbagaya be nguira aleme hambu to̱labehe wini.

⁷Yasuhanda tihondo lalu, Iba be uruniha iba hambu to̱lai hadaba, lene. Ani layagola tigua iba be bibahende hambu to̱lai hene.

⁸Ani biyagola Yasuhanda tihondo lalu, Iba uruni be emeneha odo yoroma buwa iba nelo mo tale bialu haru haga agali kagoria yalu pudaba, lene. Ani layadagua iba be emeneha odo yoroma bu berelayaru yalu pene.

⁹Yalu puwa tomo nelo mo tale bialu haru haga agali biagohondo miyagola ibugua na handalu hearia waini ibayagola agoha tawebe toba hene. Biabe biaga agali iba odo yoroma bu yalu ibiyaru ti manda bu hene. Ani hearia ibugua agali wali dabu biaga biago olowa

¹⁰ibuhondo lalu, Wali agali tomo nami̱ya ibalimu lene íbu bedarume waini iba bayalego ala nelo muwa haruore no bidagola nde waini iba ta nabi bedago nelo tale bu miraligo. Í̠na ani ndo waini iba bayalego wu doho haabo howa áyu ogoni yalu ibirida, lene.

¹¹Yasuhanda agalime nabiagane aleru dewaore binigo mbira pigane Galiliha tano mbira mini Kainani howa ogoni bini. Bialu howa ibunaga hongo taraore holene winigobi walia hene. Ani walia hayagola ibunaga talima piaga biarume ibuhondo mini mbiraore wini.

¹²Yasuhanda anidagua bialu ibunibi ibu ai̱ya hamenerubi ibunaga talima piaga biarubi ti Kabaniama puwa horo maru dauru agima ho hene.

¹³Yu wali agali ti Bolangua Halu Penegonaga Horo mitangi bialu tomo nolene tu kaware wiagola Yasu ibu Yarusaleme pole dindi dindi pialu anda pene.