Yone 2:3-7

³Ti íbu ngoai ho biruwa waini iba bibahende nai hene. Nai hayiyagola Yasu ai̱yahanda ibuhondo lalu, Waini iba nabereda, lene.

⁴Ani layagola Yasuhanda ibuhondo lalu, Ai̱ya-o ogoni í̠naga biabe ndo. I̱naga biabego í̠na howa i̱hondo ogo bia lolene nawi. I̱naga biabe bulene tu nahego, lene.

⁵Ani layagola ibu ai̱yahanda biabe biaga agali hearuhondo lalu, Yasuhanda bidaba laradagua bilimu, lene.

⁶Iba be timbuni ege to̱le̱me wabini waragaria wini. Yu wali agalime iba be uruniha howa iba hambialu tinaga ilili biagane mana winidagua wayawaya biaga hene. Iba be uruni homane mbirago mbagaya be nguira aleme hambu to̱labehe wini.

⁷Yasuhanda tihondo lalu, Iba be uruniha iba hambu to̱lai hadaba, lene. Ani layagola tigua iba be bibahende hambu to̱lai hene.