Text copied!
CopyCompare
GOT WENG ABEM Alokso Abino Kalin - Yon - Yon 8

Yon 8:30-37

Help us?
Click on verse(s) to share them!
30Kale weng be bakaya badane, kinim wanang seng seng ika aket kudawsiw ko.
31Yu kayak iyo Yesus aket kudawiwe, Yesus ayo bakoyam, “kiba nam kukuyabi uyo kidela yakik kale fakodokabiw, beta kiba atin nalam weng kidimin kinim keidokabiw kala.
32Kale beta kiba afan weng uyo kilim kal keidokabiw. Kale afan weng uta ta bom kal bábu takeikuyamokabu.” Yakane,
33ika fakadu bakodaw, “nuka Ebadakkam am muduw ade nuka gulbal kinim, nuka kinim so mak sok gei imti bom yak kanodin maek kanodin yakanusiw bá. Kale kaba, yakno bako nadawo, ‘naka talá imadáli min kinim keidokabiwo,’ kaláwe?” Akiwe,
34Yesus asik fakadu bakoyam, “naka atin afan bakoyami ka. Kan kinim ata ban keiba kaí, alam ban keimin ta bom sok gei falal falal gine dausa taw kayo aka gulbal kinim bá.
35Kinim sok gei dawti bom yak kano maek kano akin kinim aka sák awon wol, kayo aka alam kinim kal kin modawa, be alimal imi sák bisok wok fakáyamába, kayo aka ken luk bala alimal ilim kanamaliw taw, aka ken im ufek ufek uyo ken luk bala yak kano maek kano keimoma banim. Kata man alam alaw so aka ken sun kuw alam alaw am kal ken boma. Kata kinim sok gei dawtiyámin kinim ayo atin alam man tatun taw keidawoma banim.
36Kale Got ami Min ayo min talá imadálokaba kaí, kiba atin min kinim keidokabiw kate.
37Nalam kal kiba Ebadakkam muduw, kata kiba nanbidumo kanabiw, be watawo kaleyo ba, kiba nam kukumin uyo keno, kale kidilongin danim kayo kala.

Read Yon 8Yon 8
Compare Yon 8:30-37Yon 8:30-37