Yon 6:18-26

¹⁸Isub igamari ne sanisani aib di ya bures ariramorei.

¹⁹Ende aba is ya tai wobunobun isub gamir eng Yisas ya erer yar igoai. Gab igamari is tabin qani isa gab borusi yariamirei.

²⁰Ende abari Yisas der wuri nob qamar: “An me yarimar, ye gari yoroum.”

²¹Ende qamar wuri ba mor bigub qamb abari tabin qand is ya gabut inerei.

²²Munon yurau aib eng wuriwogub isumir eng end inemirei. Mani wurisab igour qen end tabin gari qas igoar eng Yisas wonou imbigau yurau eng wurinou gari ba isumirei. Qen end Yisas wurinob isa me geau.

²³Urigerma ne Taiberius wurinou tabin ger Yisas mani Qenut qamb boat wurisab igoart end diab inerei.

²⁴Qen end Yisas wonou imbigau yurau wuri nob me igamari ibag, wuri bo tabin end isub qanam Yisas gub qamb Kaperneam end isumirei.

²⁵Ende is gamir eng Yisas igama gab nob qamamir: “Barai, ne qen mait e yarenei?”

²⁶Ende qamarari wo taui qamar: “Segagam aninob quraum, an ar mani eng nub gab ‘bo ar ende igumune bo ende aba nub igorun’ qamb ye toat qib igoumon. A yonou sarau eng ne ye your qi eng an imbigub qamb me yetoat yoroumon.