Yokanatkalune Kamrure 15:11-21

¹¹Seyni walixlu Gitsrukaachi Geso gimutlewleya wognetkaaka wannako pixka.”

¹²Giyagni pejnuruneko gixolune gichkeka. Yijnakotluna Wirnawisi ga wa Pawlo runkaklewatinna gi pejnunanukta tsru getkalurkaka ga wa koglajrukaka Goyakalu wane gixkakyawakna payinetskalaya.

¹³Wa ruchkekinitkana wanna, Santiyako gigita. Wane china,

¹⁴“Nomolene, gyijnakotanno. Simo ginkakletlu gikta rixpokotlu Goyakalu. Muchinanu salwayegitna payine, wa wannayegiya yoptotyapna rayinerutenepa.

¹⁵Waneko pixka chintokanutna tokanchi geneklewatachine, yonchi chinyawaka:

¹⁶Wanepnute nsatokanutnaka. Nugletanutnaklu Tawnipji, wa yawnachrinatka. Nugletanutnaklu gimtutewnachritka. Ntunotakanutnaklu.

¹⁷Wa gixetachine yine gijgiyaplu Gitsrukaachi, ga wa pejnuruneko payinemnunanuka, ngiwakaya chinkalune. Wane china Gitsrukaachi tyekaka pejnuruko kamrutachri.

¹⁸Muchichyawakpotunanuko rumatkakatkalu Goyakalu tyekakapirana.

¹⁹“Giyagni gita gitakyawaka mkojwaakonepni payine kashrijetkalune Goyakalunune rixinripna.

²⁰Seyni yonyegitkalunepni rutspalatyapluna puchotlewatachri yagluchishaya, ga wa gapoklewluya, wa saprinojrurusha, ga wa granchiya.

²¹Gi rixanu muchikawa potu gwashluyakawa Moysisi waneya runkakletjene papokchikaka ginkaklewawakapjikakaya. Wane retyongapiranatika pagapnanutikalurgognemnu.”