Yohannisa 11:2-18

²Izi isha Alazaarey saketida Maarama kase Yesusa toho bolla shitto gussada Yesusa toho ba hu7e binanan quccidarokko.

³Michetikka “Godo! Ne dosizayssi saketides” giidi as Yesusakko kiittida.

⁴Yesusi hessa siydi “Ha sakoy Xoossa nay izan bonchettana malanne Xoossi bonchettanassafe attin iza hayqos gaththizaz deenna” gides.

⁵Yesusi Marta izi micheyo Maaramonne Alazaare siiqees.

⁶Gido attin Alazaarey saketidayssa siyi woththidi heen ba dizason nam7u gallas gam7ides.

⁷Hessafe guye bana kaallizayta “Ane Yuhuda biitta simmi boos” gides.

⁸Istika “Astamare! Guutha wodeppe kase asay nena shuchchara caddana koyetteskoshin; ne qasse ha7i he simma baanee?” gida.

⁹Yesusi istas “Issi gallassan tammanne nam7u saatey dees denee? Gallasara hamuttiza asi ha alameza poo7on simeretiza gish dhuphetenna.

¹⁰Dhuphetizadey gidikko izi qamara hamutizade. Gaasoyka poo7oy baynda gishassa” gides.

¹¹Hessa istas yootidappe guye “Nu lagge Alazaarey dhiskides; takka iza dhiskofe denthana bays” gides.

¹²Iza kaallizayti iza “Godo! izi dhiskida gidikko dendana” gida.

¹³Yesusi istas hessa yootiday Alazaare hayqo gishassa shin iza kaallizaytas qasse dhisko gish yootida misatides.

¹⁴Hessa gish qoncera istas “Alazaarey hayqqides.

¹⁵Inte ammanana mala ta heen doonta aggidayssi inte gish tana ufaysses; ha7i gidikko ane gede izakko boos” gides.

¹⁶Qasse Didimoosa geetettiza Toomaassi hanko Yesusa kaallizayta “Ane nukka biidi izara issife hayqos” gides.

¹⁷Yesusi bi gakkishin Alazaarey hayqqi moogetin oyddu gallas gidides.

¹⁸Bitaaniyay Yerusalameppe bagga saate oge haakkees.