Yohanis 8:6-10

⁶Ema nia sia nusu nunia, tan sia nakara nahonu Yesus. Mais Yesus la nataa kedas. Nia natuꞌu, nodi liman fuan nakerek baa rai.

⁷Sia nusu Nia bei-beik, foin Nia nariik, nodi katak baa sia naꞌak, “Nuneꞌe. See nosi emi mak la nalo sala dauk bele taa ukun nodi tuda fatuk uluk baa feto neꞌe.”

⁸Dale notu nunia, Yesus natuꞌu nikar, nakerek tenik baa rai.

⁹Rona nola Yesus dale nunia, ema nia sia noran moe. Ida-idak natene aan naꞌak, nia moos nalo sala. Tan baa nia, nahuu nosi matas toꞌo lawarik nakiduk ida-idak, toꞌo laꞌo nela Yesus mesan no feto nia.

¹⁰Hotu Yesus nariik nikar, nusu baa feto nia naꞌak, “Sia iha nabee tiꞌan? Sei noo ema mak atu taa ukun kastikar baa o ka?”