Yohanese 7:1-8

¹Yesuse Ikeue otoi Galilea keholi. Isuka keu me otoi Yudea keholi mo le ete mere tamata Yahudiaru esi elakaru lalesi kena bunuI.

²Kena mere tehaike tamata Yahudiaru esi pesta nete suike loko esi ntuana menaru esi rue kena tala me otoi nsekile peneka.

³Eleki Yesuse kwalini muliaru esi beteke lokoI be, “Akeu bei meije lopai otoi Yudea leke Amu maka luluaru esi selu tanda herana rebe Aonoule lekwe.

⁴Le tamata rebe inikwa ruai eni nane, ibunike saisa rebe ionore mo. Sepo Aono tanda herane tekwa, namake suke Akeu onoe leke tamata mei nusare pususi rekwae.”

⁵Kwalinisi lepa lokoI ele mere le ruasi lekwe esi hlaleke lokoI mo.

⁶Yesuse Iombe, “Kwalia imi, Alla Eni petu ete Au kena keure emeije mosa. Po ete imire, petu sasaisa neka imi keure yele.

⁷Mei nusare tamata lalesi tiake imi mo po lalesi tiake Au le Au alenake esi neune.

⁸Imi keu loko pesta mere akmena. Au keu mosa le Auku petu kena keure emeije mosa.”