Yohanese 6:14-20

¹⁴Tamata bokala meru esi selu Yesuse Iono mere hoko esi beteke be, “Tinai, Ile meije nabi rebe Alla Italuke be Iluake lomei nusare.”

¹⁵Yesuse Irekwa be tamata meru esi luake kena esi keriNi leke esi bitikeNi kena kamale etesi, hoko Ikeu beisi lolete ulate.

¹⁶Kena kmau peneka Yesuse Eni maka luluaru esi keu lope tlaka leine.

¹⁷Eleki esi sa soa buini leke esi sai lopai kota Kapernaume. Kena mere kpetu peneka po Yesuse Iluake lokosi mosa.

¹⁸Eleki kena mere me tlakare kohu le sanute elake.

¹⁹Eleki kena esi sai kasuke kiloa lima pise ne, esi selu Yesuse Iluake lokosi kai Ikeu ndete kwele babai. Hoko rilasi titinai.

²⁰Po Yesuse Ibeteke lokosi be, “Rilami yake, meije Au!”