Yohanes 5:41-47

⁴¹Mi no e suku grani fu libisma.

⁴²Ma Mi sabi fa un de. A lobi fu Gado no de ini unu.

⁴³Mi kon ini a nen fu Mi P'pa, ma un no wani Mi. Ma te wan tra sma kon ini en eigi nen, un o teki en.

⁴⁴Un e suku grani fu tra sma, ma un no e suku grani fu a wan enkri Gado. Fa un o man bribi dan?

⁴⁵Un no mus prakseri tak' Mi o tyari unu go krutu na a P'pa. Ma na Moses, a sma tapu san un poti un howpu, na en o krutu unu.

⁴⁶Efu un ben bribi Moses, un bo bribi Mi tu, bika a ben skrifi fu Mi.

⁴⁷Ma efu un no e bribi san Moses skrifi, fa un o man bribi san Mi e taki?”