Yohanes 4:27-31

²⁷A srefi pisten dati den man fu Yesus doro èn den ben ferwondru fu si tak' A e taki nanga wan frow. Ma toku no wan fu den no aksi En taki: “San Yu wani nanga a frow?” noso: “Fu sanede Yu e taki nanga en?”

²⁸A frow libi en kroiki dan a go na a foto go taigi den sma taki:

²⁹“Kon nanga mi, kon luku wan sma di taigi mi ala sani di mi ben du! Kande na En na a Mesias.”

³⁰Dan den sma kmopo fu a foto kon na En.

³¹A pisten dati den man fu Yesus taigi En taki: “Meister, kon nyan pikinso.”