Yohanes 21:11-16

¹¹Simon Petrus seo no nyoman muno po pame rakarimu nsiso no yawa. Pame so ntairi jiano manakokoe rai, ama manui nseo no tename kaururum eane abusyin eane mandei. Jiano namije manui rave, weramu pame mpatimu rai jewen.

¹²Yesus payao nanto mansai pare, “Wade, wapisyi kai.” Apa arakove so ubeker ware wo anajo, “Are pi Winy?” Weramu usamane wo anajowi, weye wo aen tugae Amisy Yesus wepi so.

¹³Umba Yesus nanto pangkepano mansai, Po rotije raugav muno Po raunanto mansai, muno Po jiane raunanto tavon.

¹⁴Yesus aroron kakavimbe Apa arakove mansai ama susyo mandeije mi so, arono kovakato no wene rai.

¹⁵Arono wisyisya mewen, Yesus po Simon Petrus anajo pare, “Simon, Yohanes apa arikainy winy, nya muinyo Rinai manakoeya mo arakove so awa rakivana rako?” Petrus po raura akananto Ai pare, “Tugae, Injae, risya muinyo Winai nyo raen to.” Yesus po raura akato pare, “Nyo Risya maero domba mansakum.”

¹⁶Umba Yesus po anajo rijati akato pare, “Simon, Yohanes apa arikainyo winy, wimuinyo Rinai tugaeya rako?” Petrus po raura akananto Ai pare, “Tugae, Injae, risya muinyo Winai ma nyo raen to.” Yesus po raura akananto Simon ai pare, “Nyo Risya maero domba maeranande.”