Yohane 6:3-14

³Ago wewa Yesu meni bua mai nuso pumuro witi dirumura niro arumuro itiwa awa.

⁴Be amira ana Yuda emara pura zo zazo nuso Betai Daininua amira be zora awenua awa.

⁵Are Yesu meni ema dubu bamu nuso nana tupiwa giro Filip atata wero ego senua awa, “Ma nana ena puro ema dubu bamu amire potanakai nara te wamunoi?”

⁶Yesu nu bua zo wamu kotupitinoinua, ata nu Filip gaero gamu atata wero senua awa.

⁷Ago senu Filip meni ego senua awa, “500 kina meni ma pumuro potanakai nara te kaka wamu wamunoi, tanita.”

⁸Ago senu bua mai nusora nana zo Anderea, nu Simon Petorora nami, ami ego senua awa,

⁹“Mai zo meni ma wana dare ou wo etore puro noya. Ata ema dubu bamu, are te oko wamunoi, tanita.”

¹⁰Ago senu Yesu meni ego senua awa, “Nikare seu ema poti dara niro arumare.” Zebu amira zewaka itisonua, are patiro arumuwa. Namba nusokare 5,000 ago ine ami arumuwa awa.

¹¹Ago wewa Yesu meni ma puro Anuture kokopai asero ema arumuro itiwa amire kanowenua. Ou wo da ago ine wenu te wenua.

¹²Niwa te wenu itata da ago dowa giro Yesu meni bua mai nusore ego senua awa, “Nena itata itima waya wamera, sianiu.” Ago senua awa.

¹³Are ma wana da niwa amira itata awa sianiwa kana 12 ago be muwa.

¹⁴Ema meni tani putoure awa giro Yesu bowi inoise ego sewa awa, “Porofete bamubake zo zebura kei awaise sai awa ewa.”