Yohana 9:9-28

⁹Bari ba tre, a wawuyi, bari ba tisan, 'A'a, a rju wawu yi,' iwawu tre, ahime wawuyi.”

¹⁰U ba tre niwu, ba bu'u shishi'a ni he?

¹¹I wa sa ni bawu, iguri wa ba yo ni Yesu a hu meme na gban ni mu shishi na hla nimu, hi ni ne Siluwan ni ngla u mi hi ka ngla, u shishi lu ni to.

¹²U ba miyen, “Ahe ni tsen?” wa hla, mina to na.”

¹³U ba nji igu hi iwa ana indji u fyen ni Farisawa.

¹⁴Ahe ni ivi u asabar wa Yesu a hu meme na bu'u shishi niwu.

¹⁵U Farisawa ba la miyen ngari ya da a fe nito bubu, a hla bawu, a yo meme ni mu shishi u mi nglau zizan ni to.”

¹⁶Ba ni mi Farisawa ba tre, iguyi a indji Rji na, ana ni to ivi u asabar na.” U bari ba tre, “Indji u latre ni ti ni heri na to ti gban biki?” ba ga kpa ti hari.

¹⁷U ba la miyen indji u fyen ngari, “U tre ni ngeri ni tuma'a tu rji chachu iwa a bu'u shishi me?” Indji nfyen tre, ahi Anebi.”

¹⁸Ye zizan me Farisawa ba me ba na kpa yeme nda ahi wawuyi indji u nfyen na wa ba bu'u shishima na se wa ba yo ba Time ni ba Iyi ma iwa a shishima bu'a.

¹⁹U ba miyen ba Tima ni Yima, iwa yi ahi vren bi wa bi tre bi ngrji ni fifyen? Ani he mba ani to zizan?”

²⁰U ba Tima ba hla, “Ki to iwa yi a vren mbu wa ki ngrji ni fyen.

²¹Ati ni nani ya, kina to na, miyen a sen ndi, ani ya tre kima.”

²²Ba tima ba tre biyi, nitu wa ba si tie sisir Yahudawa. Yahudawa ba ba riga zi indji iwa a tre ikpe wa ani hu gon ma andi ahi Kristi, ba ban ta yo ni mi ta kpoma.

²³Nitu kima, ba itima ba tre, “A sen ndi ye, miyen.”

²⁴Ngari ba la yo u gyu u ha ba la yo igu fyen na hla niwu, “No Rji ni kon. Ki to igu yi a ndi u latre.”

²⁵I gu ki hla bawu, mina to na ka a hi ndji u latre na. Ikpe riri mi to na'a mina ndji u fyen, u zizan mi to.”

²⁶U ba tre ahi geri a ti niwu?” ani he a bu'u shishi niwu?

²⁷Wa hla, “Mi hla ni yiwu ye, bina wo na ahi geri bi son bi wo ngari?

²⁸U ba mren na hla, u almajerema, ki ta ki almare u Musa.