Yohana 7:36-49

³⁶A hi lan birime a ni tre naki, bi wa me u bina to me na, iwurji me hi'a na, bina ya hi na?”

³⁷Ni vi u kekle'a, ki kle ivi u idin, Yesu lu kri kri na yar yin gbangban, na hla, “Indji wa lan ma nita ni tiwu wa ka ye nime na so.

³⁸Indji wa a kpayenme ni me, ina wa itre Irji'a a la, ni mi ma iba u re (iviri) ba gukbon ni mi ne ma.”

³⁹A tre naki nitu Ruhu (Ibrji ndindi), ni biwa ba kpa yeme niwu'a iki ba kpa, bana nu Ruhu (ibrji) rina, nitu wa bana gbre Yesu san rina.

⁴⁰Bari ni mi son'a ba lan tre ba naki, na tre, gbigbi iwa yin a hi ana ebi yi.”

⁴¹Bari ba tre, iwayi a hi Almasihu.” U bari ba tre, “Almasihu ni rji ni Galili?

⁴²Nda tre Irji hla Almasihu ni rji ni mi mla Dauda ni Batalami na, rji ni mi vi gbu wa Dauda rji?

⁴³U ba ga kpa ni mi son nitu ma.

⁴⁴Wa bari mba ba vu, idiori na yowo na.

⁴⁵Niki bi gben'a ba kaban ye ni Firistoci bi nonkon'a ni Farisawa biwa ba tre, “Ahi ngyeri sa bina njiwu ye na?

⁴⁶Bi gben ba tre, ko diori na ti bre tre nayi.

⁴⁷Farisawa ba sa ni bawa, “Ba kpayi kasran?

⁴⁸Ka iri ni mi chuba a kpanyeme niwu, ka ni mi Farisawa?

⁴⁹Indji bi son yi ba na to tron na, ba ti meme ye.