Yohana 7:3-21

³U miri vayi ma ba hla niwu, “Lunde hi ni Yahudiya ni ndu almajeran me ndu ba to ikpi wa u si tre ba'a.

⁴Idiori, nati kperi ririna inde ani son ndu indji ndu ba to wawuu, nitu wa u tie ikpi biyi u tsoro tume ni rira ni ngbungbulu'a

⁵Nitu wa imri vayi ma me bana kpanyime niwu na.

⁶Yesu hla ni bawu, iton mu na tsira rina, ka iton bi ni he ni tan.

⁷Gbungbulu'a ba na ya kamba niyi na, a kama ni me nitu wa mi hla ni bawu andi indu a hi memme.

⁸Bika lunde hi ni idin, ime mi na hi na iton mu tsira rina.

⁹Ni kogon iwa a hla ikpi biyi, a kuk'ri ni Galili.

¹⁰Ni kogon wa imiri vayi ma ba hi ni rira na.

¹¹Nitu iwa Yahudawa ba si wa'u ni bubu indji'a, nani minye, a he ni ntsen?

¹²Rju, rju itre ba he nituma gbugbu'u nimi kuson'a, bari mba tre a hi Indji ndindi, “Ahi Ndji u toh ti.” Bari mba ba tisan, andi an, an aye kpa soron ndji ni kasran.

¹³Ni naki me idiori na tre ni rira ni tumana nitu sisir Yahudawa.

¹⁴Niwa ba ri igan indji ka ri ni zuzma, u Yesu lu ri ye hekali na (fara) ni tsroroba.

¹⁵Yahudawa ba luni ti sisir na ni tre, “Ani he iguyi he ni bibi kpran gbugbu'u na yi? Iwa na hi ni magrata na.

¹⁶Yesu kasa ni bawu, “Itsroro mu'a ana umu na, a u Indji wa a ton me ye'a.”

¹⁷Indji wa ani son ti kpi iwa ani son'a ani ya to tsoro mu'a ko a rji ni Irji, ko mi tre u mu kimu.

¹⁸Ko inha wa ani tre u tuma, ani wa kpandema mu, ko ahi nha iwa awa kpande Indji iwa a ton me, Indji ki a wu njanji, ikpiri meme ma na he niwu na.

¹⁹Musa na nuyi ndu na? Ni naki iriri ni mi mbi ana hu ndu'a na. U ahi geri mba ni yoyui ni ndu yi wu me?

²⁰Ison indji ba hla niwu, “U he ni brji. Ahi nha mba ni son wu'u?”

²¹Yesu hla bawu, mi ti indu iriri migen, u bi ti sisir wawu mbi.