Yohana 6:5-18

⁵Yesu zun tu hon na toh gbugbu ndji ba gyen klan si ye niwu na hla ni filibu, “ni tsen ki fe bredi, wa ki no indji biyi?”

⁶(A tre naki na tsar to ni tu iwa wawu me a toh ikpe iwa ani tie.)

⁷Filibu ka ha sa niwu “bredi dena rii deri hari me ana zrani ndji fie fie me na.”

⁸Iri ni mi Almajere ma Andarawus, vayi siman Bitrus, hla ni Yesu,

⁹Ige Ivren ri a nji igbele ton u shai'ir ni lambe hari. a geri iwa yi ni tie ni gbugbu indji bi yi?”

¹⁰Yesu tre ndu indji kuson.” (Bubu'a me a tie gega.) U lilon ba ba kusun, tsra indji dubu ton.

¹¹U Yesu a ban bredi ni kogon wa, a gira na ga bi wa ba kusun meme na la ga lambe naki, na wa ba ba son.

¹²Niwa indji ba-ba whurji wa hla ni almajere ma, “ni ndu ba vu gburugbuma iwa a don ba shutie, ni ndu na tie meme na (asara na).”

¹³U ba vu shu ni sisen wulon don hari gburugbu bredi u sisen iton wa ba don mbru ma, ni kogon wa bari whrji.

¹⁴U indji ba toh gban iwa a tie, u ba tre, “A njanji iwa yi ahi anabin iwa ani ye ni gbungbunluyi.”

¹⁵U Yesu toh ndi ba lu ni ye ban wuni gbengbenle na nye-wu tie Ichu, na lu k'ban hi ni tu gbulu kima.

¹⁶U yalu tie almajere ma ba lu grji hi ni teku.

¹⁷Na ri ni mi ghu, na rugran hi ni Kafarnahum, (ni ton wa ibwu tie ye, Yesu na ye ni ba rina.)

¹⁸Gyugyu ri u gbengbenle ma u njanji ni rhi, teku ni lu ni kinkir.