Text copied!
CopyCompare
Lagano da Isambi da Mndewa na Mkombola Wetu Yesu Kilisto - YOHANA. - YOHANA. 6

YOHANA. 6:25-51

Help us?
Click on verse(s) to share them!
25Wanhu viwam'vikile Yesu mwambu wa ikabili wa idilamba, wamulongela, 鈥淢kulufunzi, kwiza zua jaki hano?鈥
26Yesu kawalongela, 鈥淣owalongela ikweli, monizahila si kwavija vumuyonile imizonza, ila kwavija muja imikate na kupata gaja gamulondile.
27Sambimsang'hanikile ng'hani mandia gaja gobanangika, ila sang'hanikileni mandia gondagakale mbaka kuugima wa digunge, ago nie, Mwana wa Munhu gondaniwagwelele. Mwa heyo Mulungu Tata keka kilagilo chake.鈥
28Abaho wamuuza, 鈥淭utendeze giladi tugatende gaja Mulungu goyolonda tweye tugatende?鈥
29Yesu kawalongela, 鈥淜ino kicho Mulungu choyolonda mumsang'hanikile, mumtogole ayo iyamtumile.鈥
30Wamulongela, 鈥淢zonza ulihi wondauutende tuwone, giladi tukutogole? Kotenda kinhu kilihi?
31Wahenga zetu waja mana muluwala, kamba Zinyandiko Zing'alile vuzilonga, 鈥楰awagwelela mkate kulawa kuulanga waje.鈥 鈥
32Yesu kawalongela, 鈥淣owalongela ikweli, siyo Musa yawagwelele mkate kulawa kuulanga, ila Tataangu iyo yowagwelela mkate wa ikweli kulawa kuulanga.
33Kwavija mkate wa Mulungu uwo heyo yohumuluka kulawa kuulanga, yolava ugima muulumwengu.鈥
34Wamulongela, 鈥淢ndewa, tugwelele mkate uno mazua gose.鈥
35Yesu kawalongela, 鈥淣ie iyo mkate wa ugima. Yoyose yondayeze kumwangu heza kona nzala, na yoyose yondayanitogole heza kona ng'hilu.
36Ila kamba viniwalongele, munyona ila hamunitogola.
37Wose waangwelele Tataangu wokwiza kumwangu, na yoyose yondayeze kumwangu simuwinga.
38Kwavija nihumuluka kulawa kuulanga kutenda gaja goyolonda ayo yanhumile, na siyo kutenda gaja ganilonda nie.
39Na gano gago goyolonda ija yanhumile, sambinimwase munhu yoyose mmwanza wa waja waanigwelele, ila nolondigwa niwazuse wose wawe wagima mdizua da ikimambukizo.
40Kwavija choyolonda Tataangu icho kino, wose wondawamone Mwana na kumtogola wopata ugima wa digunge. Na nowazusa wawe wagima mdizua da ikimambukizo.鈥
41Wayahudi wasonga kumtwanganikila, kwavija kalonga, 鈥淣ie iyo mkate uhumuluke kulawa kuulanga.鈥
42Walonga, 鈥淢unhu ino hali Yesu, mwanage Usufu? Tumtanga tataake na mamaake. Avo kolongaze kahumuluka kulawa kuulanga?鈥
43Yesu kawedika, 鈥淪ambimtwanganike wenyego kwa wenyego.
44Haduhu munhu yodaha kwiza kumwangu kamba hakwegigwe na Tataangu yanhumile nie, na nie nomzusa yawe mgima mdizua da ikimambukizo.
45Wahokozi wandika, 鈥榃anhu wose wofundizigwa na Mulungu.鈥 Munhu yoyose yomuhulika Tata na kuifundiza kumwake kokwiza kumwangu.
46Haduhu munhu yamonile Tata, ila ayo yalawile ha Mulungu iyo yeiyeka yamonile Tata.
47Nowalongela ikweli, ayo yondayatogole kana ugima wa digunge.
48Nie iyo umkate wa ugima.
49Wahenga zenu waja mana muluwala, ila wadanganhika.
50Ila uno uwo mkate uhumuluka kulawa kuulanga, awo munhu youja hadanganhika.
51Nie iyo mkate uli na ugima uhumuluke kulawa kuulanga. Kamba munhu yoyose yahauja mkate uno, kowa na ugima wa digunge. Mkate wondanimgwelele uwo lukuli lwangu nilulava giladi ulumwengu uwe na ugima.鈥

Read YOHANA. 6YOHANA. 6
Compare YOHANA. 6:25-51YOHANA. 6:25-51