Yohana 6:14-20

¹⁴Bandu apabibona iingi yi ikobo yene yakatenda Yesu, ngabalenga, “Kweli jonjo nga Nnondoli ojwaika kudunia.”

¹⁵Yesu ngamanya bandu bapalanga kuntola abe nngwana, ngaboka kabele, ngajenda kukitombi jika jakwe.

¹⁶Apiikiba kimuyo akinapunji bakwe ngabaelela mpaka kulilaba,

¹⁷lubendu lukiba lutandite na Yesu akiba tango anaikaje ngabaombela ntumbwi bajomboke kujenda ku Kafalanaumu.

¹⁸Kingobu tu upepo nkolongwa ngutumbu kuguguma nu kutimbugana mache.

¹⁹Akinapunji apabakiba bajendangite kwa maili nhwano au sita, ngaba mmona Yesu akajenda panani ja mache, apaubandakila ntumbwi, ngabajogopanga muno.

²⁰Yesu ngabalengela, “Nga nenga, makajogopangaje!”