Yohana 5:4-17

⁴Pakhuva, ovale va khwanja okhwingila igati pakhuva amagasi gakhatibikhwe akhavombiwe okhuva inkafu okhukhumana ne khyokhyoni ekhekhamwibite khu sekhe gula.

⁵Nu munu yumo uyakhatamwile osekhe gwa miakha thelathini na minne ale igati mu matao.

⁶U Yesu avile ambwene vuigona igati mu matao pakhuva sakhalumanye ukhuta agonelile mula khusekhe untali u Yesu akhambula, Je vunogwa ukhova nkafu?”

⁷Otamu ola akhanchova, “Imbakha nelevovole umunu, uvakhumbikhela pagati amagasi vugitiboliwa. Vunigela okhwingela omunu oyunge ikhwingela.”

⁸U Yesu akhambula, “Weme otole eligodoro lwakho ulutage.”

⁹Pu munu ola akhapona, akhatola ekhetanda khya mwene akhaluta. Ne sikhu eyo yale Sabato.

¹⁰Pu Avayahudi vakhambula omunu aveakhaponile, “Elelo sikhu ya Sabato, savulukhusiwa okhogega eligodolo lwakho.”

¹¹Akhanda, omwene oveamoni nche vemwene veambumbile, “Tola eligodoro lwakho olutage.”

¹²Vakhavuncha, “Veveni oveatolile 'Tola eligodoro lwakho olutage?”

¹³Inave, ola ovwa poninche sakhamanye, pakhuva u Yesu akhegile khu siri. Pakhuva pale na vanu vingi amaeneo gala.

¹⁴Pakhuva uYesu akhambona umunu ola mutembile akhambula, “Lola, oponile! “Olekhe okhovomba imbivi tena yuvukhwincha vukhwibatwa ni mbombo imbivi sincho.”

¹⁵Umunu ola akhaluta nukhuvavola Avayahudi okhuta o Yesu veaponinche.

¹⁶Evo, pakhuva ni mbombo inchi Avayahudi vakhatesya oYesu, pakhuva akhavombile imbombo inchi pa Sabato.

¹⁷U Yesu akhambula, “Ubaba vango ivomba embombo impakha leo nayune nivomba imbombo.”