Yohana 5:33-46

³³Mweye mutuma wasenga kwa Yohana, na mbuli ziyalongile mbuli yangu ni za ukweli.

³⁴Siulonda usindila wa munhu, lakini nonga vino ili mukomboligwe.

³⁵Yohana kakala kamba kiwenge kikwaka yangaduu, na mweye muudeng'helela mulenge wake kwa kipindi kidodo.

³⁶Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

³⁷Tata mwenyego yanhumile, vivija kosindila mbuli ya niye. Mweye hamunaihulika sauti yake hebu kuchona kihanga chake,

³⁸na mweye muilema mbuli yake kwavija hamumtogole ija iyamtumile.

³⁹Mogasoma Maandiko Gang'alile kwavija mogesa kulawa mumo moupata ugima wa mazuwa gose. Na kuno Maandiko gago gago gandika mbuli zangu!

⁴⁰Lakini hamulonda kwiza kumwangu mupate ugima.

⁴¹“Sizahila nhogolwa kulawa kwa wanhu.

⁴²Lakini niye niwajuwa. Nojuwa mna imizoyo yenu hamumnogela Mulungu.

⁴³Niza kwa twaga da Tatangu, lakini hamunibokele, ila munhu iyagwe yaheza kwa twaga jake mwenyego, mombokela.

⁴⁴Munogelwa kubokela nhogolwa kulawa mweye kwa mweye, lakini hamulonda kupata nhogolwa kulawa kwa heyo yeli Mulungu yaiyeka, vino modahaze kunhogola niye?

⁴⁵Sekemugese nowalongeleza kwa Tatangu, lakini Musa, yumumtamanila ayo yonda yawalongeleze.

⁴⁶Kamba kweli mumtogola Musa, mwahanhogole na niye, kwavija Musa kandika mbuli zangu.