Yohana 5:28-40

²⁸Sekemuikanganye mbuli ino, kipindi chokwiza baho waja wose wafile woihulika sauti yake

²⁹na wolawa mna gamapanga gao. Waja wose watendile ganogile wozilibuka na kupata ugima, na waja watendile gehile wozilibuka ili watagusigwe.”

³⁰“Niye mwenyego sitenda mbuli yoyose kwa udahi wangu, lakini notagusa kamba Mulungu viyonongela, avo notagusa goya, kwavija sitenda kija kinonda, lakini kija kiyolonda heyo yanhumile.”

³¹“Nahalonga mbuli zangu mwenyego, ulonzi wangu wokuwa wa uvizi.

³²Lakini kabaho imoja yosindila mbuli ya niye, naniye nojuwa gaja goyolonga ga ukweli.

³³Mweye mutuma wasenga kwa Yohana, na mbuli ziyalongile mbuli yangu ni za ukweli.

³⁴Siulonda usindila wa munhu, lakini nonga vino ili mukomboligwe.

³⁵Yohana kakala kamba kiwenge kikwaka yangaduu, na mweye muudeng'helela mulenge wake kwa kipindi kidodo.

³⁶Lakini niye mwenyego ninao usindila mkulu kubanza wa Yohana, kija kinhenda acho kiyanigwelele Tatangu nikitende, gano gose golagusa kamba Tata ayo yanhumile.

³⁷Tata mwenyego yanhumile, vivija kosindila mbuli ya niye. Mweye hamunaihulika sauti yake hebu kuchona kihanga chake,

³⁸na mweye muilema mbuli yake kwavija hamumtogole ija iyamtumile.

³⁹Mogasoma Maandiko Gang'alile kwavija mogesa kulawa mumo moupata ugima wa mazuwa gose. Na kuno Maandiko gago gago gandika mbuli zangu!

⁴⁰Lakini hamulonda kwiza kumwangu mupate ugima.