Yohana 4:8-18

⁸Mangobu gena akinapunji bakwe bakiba bajabulinge kunnyini kuemela ilyo.

⁹Nambu munkege jweno ngannyanga Yesu, “Mwenga Mayahudi, nenga nakege ba Kusamalia! Nhwotobo kunyopa maache?” Akayahudi bakiba kujaikanaje ikombe na yani na Akasamalia.

¹⁰Yesu nganyanga, “Anda makamanyi kilebe echapanga Nnoongo, nga mene ojwannyopa mache, kabi mannyopite, najweno kabi ampile mache agaleta bwomi.”

¹¹Amama benia ngabalenga, “Angwana nkwetije lindobo lya kutekela mache na liliba linyolike. Mampatako mache gina bwomi?

¹²Au mwenga mikitenda mananhota muno kapeta awabito Yakobo? Benia ngubutupe liliba lende, na benia bene, ingota yakwe na ilangwa yakwe ngabanywe mache ga liliba lende.”

¹³Yesu ngajanga, “Kila ojwanywe mache ganga maba na nyota kabele.

¹⁴Nambu abapakunywe mache agambakape neenga, abe kabeje na nyota mache agambakape magaba nkati jakwe chembwe cha mache ga bwomi nu kumpe bwomi gwa machoba goa pangapela.”

¹⁵Amama benia ngabannengela, “Angwana, umbe nenga mache genia ili nakabeje na nyota kabele, na nakaikaje kabele pamba kuteka mache.”

¹⁶Yesu ngannengela, “Nnyabule makakeme angwanabinu, nhwike pamwe nabo.”

¹⁷Munkege jwenio ngannengela, “Ne ngwetije analome.” Yesu ngannengela, “Nnengite kweli nkwetije analome.

¹⁸Maana mmi na akinalome anhwano, na bena bantamanabo ngoe angwanabinuje. Penia nnengite kweli.”