Yohana 4:39-44

³⁹Wasamaria wengi wa kijiji kile waliamini kwa sababu ya maneno aliyosema huyo mama: “Ameniambia mambo yote niliyofanya.”

⁴⁰Wasamaria walimwendea Yesu wakamwomba akae nao; naye akakaa hapo siku mbili.

⁴¹Watu wengi zaidi walimwamini kwa sababu ya ujumbe wake.

⁴²Wakamwambia yule mama, “Sisi hatuamini tu kwa sababu ya maneno yako; sisi wenyewe tumesikia, na tunajua kwamba huyu ndiye kweli Mwokozi wa ulimwengu.”

⁴³Baada ya siku mbili Yesu aliondoka hapo, akaenda Galilaya.

⁴⁴Maana Yesu mwenyewe alisema waziwazi kwamba, “Nabii hapati heshima katika nchi yake.”