Yohana 20:2-15

²Niyo aguluka kwa Simoni Petulo na yudya mwanampina mtuhu aungagwa ni Yesu, akuwagambila, “Wamusa Zumbe mwe mbila, naho hachimanyize uko wamwikiye.”

³Ivyo Petulo hamwenga na yudya mwanampina mtuhu niyo waita kwembila.

⁴Wose waidi waguluka mna yudya mwanampina mtuhu kagulukisa kumjinka Petulo, kalongola kubula kwembila.

⁵Eze ename, asungila mndani niyo awona isanda, mna hengile mndani.

⁶Simoni Petulo naye eze amtimile, engila mwe mbila, umo kawona isanda,

⁷na isuche azingigwe Yesu mo mtwi. Iyo isuche nandile haihamwenga ne sanda, mna naizingwa saviya naili mo mtwi, ikwa hantu hakwe.

⁸Vikaheza yudya mwanampina mtuhu alongole kubula kwe mbila, niyo engila mndani. Awona niyo azumila.

⁹Nahawenati kumanya Mawandiko Yakukile yawandikwe kugamba vyaungwa auyuke.

¹⁰Niyo wanampina wauya kaya.

¹¹Maliyamu nakachimala kuse kwembila. Kuno achei kwila, kafunama asungila kwe mbila.

¹²Niyo awona wandima wa kwembingu waidi wavikile suche zing'aile, wekala hadya umwili wa Yesu wagonezagwa, yumwenga ko mtwi ywa kaidi kweviga.

¹³Awo wandima wa kwembingu wamwuza, “Mnala, ni mbwani ukwila?” Naye awagamba, “Wamusa Zumbe dyangu, naho simanyize uko wamwikiye!”

¹⁴Eze alonge ivyo, niyo ahituka kunyuma, amwona Yesu kachimala ahadya, mna asekumanya kugamba ni Yesu.

¹⁵Yesu amuza, “Mnala ni mbwani ukwila? Wamlonda yuhi?” Maliyamu nakafanyanya kugamba uyo ni mwamizi ywe chibuta, amgamba, “Mkulu, uneva ni weye umusize, nigambila uko umwikiye miye nimguhe.”